ડાકોર સેવાલિયા રોડ પર કાર અને લકઝરી બસ વચ્ચે ગમખ્વાર અકસ્માત, 4નાં મોત-1 ગંભીર ઘાયલ

ખેડા: ડાકોર-સેવાલિયા રોડ પર ગળતેશ્વર તાલુકાના અંબાવ પાસે લકઝરી બસ અને કાર વચ્ચે ગમખ્વાર અકસ્માત સર્જાયો હતો. જેમાં કારમાં સવાર ચાર વ્યક્તિના ઘટના સ્થળે જ મોત નિપજ્યા હતા. જ્યારે 1 ગંભીર રીતે ઘાયલ છે. આજે રવિવારે બપોરે ડાકોર-સેવાલિયા રોડ પર ગળતેશ્વર તાલુકાના અંબાવ ગામ પાસે કાર અને લકઝરી બસ વચ્ચે ગમખ્વાર અકસ્માત સર્જાયો હતો. જેમાં કારમાં સવાર પાંચ વ્યક્તિના ઘટના સ્થળે જ મોત નિપજ્યા હતા. ઘટનાને પગલે સેવાલિયા પોલીસે ઘટના સ્થળે પહોંચી મૃતદેહોને હોસ્પિટલ ખસેડવા સહિતની કાર્યવાહી હાથ ધરી હતી. મૃતકોની ઓળખ થઇ છે. આ પાંચ યુવાનો ગોધરાના હતા, તેઓ કાર લઈ વડતાલ મંદિરે દર્શનાર્થે ગયા હતા. જ્યાંથી પરત ફરતાં અકસ્માત સર્જાયો હતો. મહત્વનું છે કે, આ રોડ ગોધરાને અમદાવાદથી જોડાતો હોવાથી ટ્રાફિકથી ધમધમતા આ માર્ગ પર ખાનગી લકઝરી બસો બેફામ બનીને દોડે છે. જેને લઇ અવારનવાર આવા જીવલેણ અકસ્માતો સર્જાય છે. ત્યારે બેફામ બનતી ખાનગી બસો પર કાર્યવાહી કરવાની પણ માંગ ઉઠી છે.