ઉન્નાવમાં વડાપ્રધાન મોદી કાર્યકર્તાને આ રીતે લાગ્યા પગે, જૂઓ VIDEO

ઉત્તર પ્રદેશ વિધાનસભા ચૂંટણી 2022ને (UP Assembly Elections 2022) લઈને રાજકીય ઉથલપાથલ વચ્ચે વડાપ્રધાન નરેન્દ્ર મોદીની એક તસવીર સોશિયલ મીડિયા પર જોરદાર વાયરલ થઈ રહી છે. યુપી ચૂંટણીમાં ભાજપ માટે વોટ માંગવા ઉન્નાવ પહોંચેલા વડાપ્રધાન નરેન્દ્ર મોદીની (PM Narendra Modi) રેલી દરમિયાન સ્ટેજ પર આવું દ્રશ્ય જોવા મળ્યું હતું, જે આજે ચર્ચાનો વિષય બની ગયું છે. ઉન્નાવમાં મંચ પર એક બીજેપી નેતાએ વડાપ્રધાન નરેન્દ્ર મોદીના પગને સ્પર્શ કરવાનું શરૂ કર્યું, જેના પર વડાપ્રધાન મોદીએ હાવભાવ અને ઇશારામાં કંઈક એવું કર્યું, જે સોશિયલ મીડિયા પર ચર્ચાનો વિષય છે. હકીકતમાં વડાપ્રધાન મોદી ઉન્નાવમાં રેલીના મંચ પર પહોંચતા જ ભાજપના ઉન્નાવ જિલ્લા અધ્યક્ષ અવધેશ કટિયારને વડાપ્રધાનને ભગવાન રામની મૂર્તિ આપવાનું કહેવામાં આવ્યું હતું. ભાજપ નેતા અવધેશ કટિયારે ભગવાન રામની મૂર્તિ અર્પણ કર્યા બાદ વડાપ્રધાન નરેન્દ્ર મોદીના ચરણોમાં ઝૂકીને તેમને સ્પર્શ કર્યો હતો. કટિયાર ઝૂકતાની સાથે જ વડાપ્રધાને તરત જ અવધેશ કટિયારને ના પાડી દીધી. તેણે હાથનો ઈશારો કરીને તેને નમતો અટકાવ્યો. સૌજન્ય રૂપે વડાપ્રધાન નરેન્દ્ર મોદીએ પોતે અવધેશ કટિયારના ચરણ સ્પર્શ કર્યા ત્યારે લોકોને આશ્ચર્ય થયું હતું.