વિશ્વ એઈડ્સ દિવસ નિમિતે પૂરીના દરિયા કિનારે સુંદર સેન્ડ સ્કલ્પચર તૈયાર કરાયું, જુઓ વીડિયો

પૂરીઃ આજે વિશ્વ એઈડ્સ દિવસ છે. આ દિવસે એઈડ્સ રોગ વિષયક જાગૃતિ ફેલાવતા અનેક કાર્યક્રમો યોજાય છે. અનેક કલાકારો પણ પોતાની કલાકૃતિ રજૂ કરીને એઈડ્સ રોગ વિશે જાગૃતિ અને સંદેશ ફેલાવવામાં મદદરુપ થાય છે. આવા જ એક આંતરરાષ્ટ્રીય ખ્યાતિ પ્રાપ્ત સેન્ડ આર્ટિસ્ટ છે માનસકુમાર સાહુ. માનસકુમારે પૂરીના દરિયા કિનારે વિશ્વ એઈડ્સ દિવસ નિમિત્તે સુંદર સેન્ડ સ્ક્લ્પચર તૈયાર કર્યુ છે. તેમણે 'લેટ કોમ્યૂનિટીઝ લીડ'નો સંદેશ આ સ્ક્લ્પચર દ્વારા રજૂ કર્યો છે. એઈડ્સ રોગ વિશેની જાણકારી અને તેના સંદર્ભે લેવામાં આવતી સાવચેતીથી લોકો માહિતગાર બને તેના માટે આ કલાકારે આ સ્ક્લ્પચર તૈયાર કર્યુ છે. માનસકુમાર અગાઉ પણ અનેક સેન્ડ સ્કલ્પચર દ્વારા અનેક લોકજાગૃતિના સંદેશ ફેલાવવાના પ્રશંસનીય કાર્યો કરી ચૂક્યા છે. આ વર્ષે તેમણે એઈડ્સ જેવા જાતિય રોગ પર જાગૃતિ ફેલાવાનું નક્કી કર્યુ હતું. તેમણે તેના માટે દરિયા કિનારે સુંદર રેત શિલ્પ તૈયાર કર્યું છે.