સવિતા કંસવાલે માત્ર આટલા દિવસમાં માઉન્ટ એવરેસ્ટ અને મકાલુ સર કરી, બનાવ્યો રાષ્ટ્રીય રેકોર્ડ

ઉત્તરકાશી : ભટવાડી બ્લોકના લોન્થરુ ગામની રહેવાસી યુવાન પર્વતારોહક સવિતા (Mountaineer Savita Kanswal) કંસવાલે માઉન્ટ એવરેસ્ટ બાદ 15 દિવસમાં મકાલુ પર્વત પર સફળતાપૂર્વક ચઢાણ કર્યું છે. તેમની સફળતાથી (Climb Mount Everest) વિસ્તારમાં ખુશીની લહેર જોવા મળી રહી છે. પર્વતારોહક સવિતા કંસવાલે 12 મે 2022ના રોજ જ વિશ્વના સૌથી ઊંચા શિખર માઉન્ટ એવરેસ્ટ (8848.86 મીટર) પર ત્રિરંગો લહેરાવ્યો હતો. એવરેસ્ટ પર તેના પગલાં અટક્યા નહીં. તેણે 15 દિવસ પછી 28 મેના રોજ મકાલુ (8463 મીટર) પર્વત પર પણ સફળતાપૂર્વક ચઢાણ કર્યું હતું. જે 15 દિવસમાં બંને પર્વતો પર ચઢીને નવો રાષ્ટ્રીય રેકોર્ડ બનાવ્યો છે.સવિતાએ માઉન્ટ મકાલુ અને માઉન્ટ એવરેસ્ટ પહેલાં પણ ઘણા પર્વતો સર કર્યા છે જેમાં ત્રિશુલ પર્વત (7120 મીટર), હનુમાન ટિબ્બા (5930 મીટર), કોલાહાઈ (5400 મીટર), દ્રૌપદીનો દંડ (5680 મીટર), તુલિયાન શિખર (5500 મીટર)નો સમાવેશ થાય છે. આ સાથે સવિતાએ વિશ્વનું ચોથું સૌથી ઊંચું શિખર માઉન્ટ લોત્સે (8516 મીટર) પણ સર કર્યું છે. પરંતુ સવિતા કંસવાલનું બાળપણ ઘણી આર્થિક તંગીમાં વીત્યું છે. તેને તેમની સંભાળ અને ઘરની જવાબદારીઓ સારી રીતે નિભાવીને 25 વર્ષની નાની ઉંમરે સવિતાએ વિશ્વના સૌથી ઊંચા શિખર માઉન્ટ એવરેસ્ટ અને માઉન્ટ મકાલુને (Climber Mount Makalu) સર કરીને યુવાનો માટે એક ઉદાહરણ સ્થાપિત કર્યું છે.