નવી દિલ્હીઃ દેશની અગ્રણી ફૂડ ડિલિવરી અને ક્વિક કોમર્સ કંપની સ્વિગીના વેલ્યુએશનમાં મોટો ઘટાડો જોવા મળ્યો છે અને તે તેના ઉચ્ચતમ સ્તરથી 50 ટકા નીચે આવી ગયો છે. તેના કારણે રોકાણકારોને રૂ. 50,000 કરોડથી વધુનું નુકસાન થયું છે.
નવેમ્બર 2024 માં IPO પછી, સ્વિગીનું મૂલ્ય ડિસેમ્બર 2024 સુધીમાં વધીને રૂ. 1,32,800 કરોડ ($16 બિલિયન) થયું હતું. આ પછી, તે 21 ફેબ્રુઆરી, 2025 સુધીમાં ઘટીને રૂ. 81,527 કરોડ ($9.82 અબજ) પર આવી ગયું છે, જે વેલ્યુએશનમાં રૂ. 51,273 કરોડનો ઘટાડો દર્શાવે છે.
કંપનીનું વેલ્યુએશન શેરબજારમાં લિસ્ટિંગ સમયે $12.7 બિલિયન હતું. સ્વિગીના શેર નેશનલ સ્ટોક એક્સચેન્જ (NSE) પર રૂ. 420 અને બોમ્બે સ્ટોક એક્સચેન્જ (BSE) પર રૂ. 412 પર લિસ્ટ થયા હતા. જોકે, ઘટાડાને કારણે શેર હવે 360 રૂપિયા પર આવી ગયો છે.
આ વર્ષની શરૂઆતથી, સ્વિગીના શેરમાં 33 ટકાથી વધુનો ઘટાડો થયો છે. નાણાકીય વર્ષ 25ના ત્રીજા ક્વાર્ટરમાં અપેક્ષા કરતા નબળા પરિણામો રજૂ કરવાને કારણે સ્વિગીના શેરમાં ઘટાડો જોવા મળી રહ્યો છે. કંપનીએ ઓક્ટોબર-ડિસેમ્બરના ગાળામાં રૂ. 799.08 કરોડની ખોટ નોંધાવી હતી, જે અગાઉના ક્વાર્ટરમાં રૂ. 625.53 કરોડ હતી.
શેરમાં ઘટાડાનું કારણ IPO પછી શેર પર લાદવામાં આવેલા લોક-ઇન સમયગાળાનો અંત પણ છે. 29 જાન્યુઆરીમાં 2.9 મિલિયન શેરનું અનલોકિંગ સમાપ્ત થયું હતું. આ પછી, 31 જાન્યુઆરીએ, 300,000 વધુ શેર વેચાણ માટે ઉપલબ્ધ થયા. તે જ સમયે, 10 ફેબ્રુઆરીએ મહત્તમ 65 મિલિયન શેર્સ અનલોક થયા હતા.
આ સિવાય 1,00,000 શેર 19 ફેબ્રુઆરીના રોજ અનલોક થયા હતા. કોઈ જથ્થાબંધ ડીલ ન હોવાને કારણે, સ્વિગીના શેર 14 ફેબ્રુઆરીએ ઓલ ટાઈમ નીચા સ્તરે રૂ. 323ના પહોંચ્યા હતા.
આ પણ વાંચો:
