Reaction on Bharat Jodo Nyay Yatra : રાહુલ ગાંધીની ભારત જોડો ન્યાય યાત્રા પર કેન્દ્રીયમંત્રી અજય મિશ્રાના પ્રહાર

ગાંધીનગર : કેન્દ્રીયમંત્રી અજય મિશ્રાએ રાહુલ ગાંધીની ભારત જોડો ન્યાય યાત્રા પર જોરદાર પ્રહારો કર્યા હતાં. ગુજરાતમાં શરૂ થનાર ભારત જોડો ન્યાય યાત્રા પર પ્રતિક્રિયા આપતા તેમણે જણાવ્યું કે, રાહુલ ગાંધીને કોઈ ગંભીરતાથી નથી લેતું. કેન્દ્રીય રાજ્યકક્ષાના ગૃહ મંત્રી અજય મિશ્રા ત્રણ દિવસ ગુજરાત પ્રવાસે આવ્યા છે. આ પ્રવાસ દરમિયાન તેઓ ગાંધીનગર સિવિલ હોસ્પિટલ ખાતે ચાલતા અન્નપૂર્ણા યોજના સેન્ટરની મુલાકાતે ગયા હતાં. તેમણે ગાંધીનગર લોકસભા સાંસદ અને કેન્દ્રીયમંત્રી અમિત શાહના મત વિસ્તાર ગાંધીનગર સિવિલ હોસ્પિટલ ખાતે નિઃશુલ્ક ભોજનાલયની મુલાકાત લીધી હતી. અન્નપૂર્ણ યોજના અંતર્ગત સિવિલ હોસ્પિટલમાં આવતા દર્દીના સગાસંબંધીને નિઃશુલ્ક ભોજન આપવામાં આવે છે. આ તકે એક પ્રશ્નના જવાબમાં તેમણે રાહુલ ગાંધી પર ગંભીર પ્રહારો કર્યા છે.