ঘগ্ৰাপাৰত চাহপাত ভৰ্তি ট্ৰাক দুৰ্ঘটনাগ্ৰস্ত

নলবাৰী জিলাৰ ঘগ্ৰাপাৰৰ 31 নং ৰাষ্ট্ৰীয় ঘাইপথত পথ দুৰ্ঘটনা । দেওবাৰে হাইৱে চ'কত শিৱসাগৰৰ পৰা অহা AP-16-TJ-5467 নম্বৰৰ এখন চাহপাত ভৰ্তি ট্ৰাক দুৰ্ঘটনাত পতিত হয় ৷ এজন চাইকেল আৰোহীক বচাবলৈ গৈ দুৰ্ঘটনাত পতিত হৈ ট্ৰাকখন পথৰ ওপৰতে বাগৰি পৰে । ফলত ট্ৰাকখনৰ হেণ্ডিমেনজন গুৰুতৰভাৱে আহত হয় ৷ ইফালে, দুৰ্ঘটনাটো সংঘটিত হোৱাৰ পাচতে ঘগ্ৰাপাৰ আৰক্ষী ঘটনাস্থলীত উপস্থিত হৈ চালকসহ আঘাতপ্ৰাপ্ত হেণ্ডিমেনজনক উদ্ধাৰ কৰে ৷ আৰক্ষীৰ তদন্তত শিৱসাগৰৰ পৰা কলিকতালৈ গৈ থকা ট্ৰাকখনত প্ৰায় 10 লাখ টকাৰ চাহপাত আছিল বুলি জানিব পৰা গৈছে ৷