চাৰিটাকৈ চিলিণ্ডাৰ বিস্ফোৰণেৰে হোজাইত বিধ্বংসী অগ্নিকাণ্ড

মঙলবাৰে নিশা হোজাই চহৰৰ উত্তৰ বিদ্যানগৰত সংঘটিত হয় এক ভয়ংকৰ অগ্নিকাণ্ড ৷ তথ্য অনুসৰি, চাৰিটাকৈ চিলিণ্ডাৰ বিস্ফোৰণৰ ফলতে সংঘটিত হয় এই অগ্নিকাণ্ডটো (Cylinder explosions in Hojai) । তাৰপাচতে জুইৰ লেলিহান শিখাই পলকতে ছানি ধৰে দুটাকৈ বাসগৃহ । এই ঘটনাক কেন্দ্ৰ কৰি সমগ্ৰ অঞ্চলটোত সৃষ্টি হয় এক হুলস্থূলীয়া পৰিৱেশ (Cylinder blast in Hojai) ৷ তাৰ পাচতে খবৰ দিয়া হয় আৰক্ষী আৰু অগ্নি নিৰ্বাপক বাহিনীৰ লোকক ৷ খবৰ পোৱাৰ মাত্ৰকে ঘটনাস্থলীত উপস্থিত হয় আৰক্ষী আৰু অগ্নি নিৰ্বাপক বাহিনীৰ লোক ৷ বহু প্ৰচেষ্টাৰ অন্তত অগ্নি নিৰ্বাপক বাহিনীৰ লোকে জুই নিৰ্বাপন কৰিবলৈ সক্ষম হয় ৷ কিন্তু এই অগ্নিকাণ্ডত দুটাকৈ বাসগৃহ সম্পূৰ্ণৰূপে ভস্মীভূত হয় ৷ বাতৰি যুগুত কৰা পৰলৈকে এই অগ্নিকাণ্ডৰ ফলত হোৱা ক্ষয়-ক্ষতিৰ পৰিমাণ জানিব পৰা হোৱা নাই ৷