গহপুৰৰ ছাত্ৰীয়ে আঁহত গছৰ পাতত আঁকিলে বিভিন্ন ছবি

ক’ৰণা মহামাৰীৰ সময়ত দেশ তথা ৰাজ্যত এই মহামাৰী নিয়ন্ত্ৰণৰ বাবে লকডাউন হোৱা পৰিলক্ষিত হৈছে ৷ বৰ্তমানো বহু ঠাইত লকডাউন হৈ থকা পৰিলক্ষিত হৈছে ৷ এই লকডাউনৰ সময়ছোৱাত বিভিন্ন জনে নিজকে বিভিন্ন সৃষ্টিশীল কামত নিজকে ব্যস্ত ৰখা দেখা গৈছে ৷ কোনোৱে যদি গান-কবিতাত নিজকে মনোনিৱেশ কৰিছে কোনোৱে আকৌ ছবি অঁকাৰ কামত নিজকে ব্যস্ত ৰাখিছে ৷ বিশ্বনাথৰ গহপুৰৰ পূৱ ডুবিয়াৰ কাজল মহন্ত নামৰ ছাত্ৰী গৰাকীয়ে আঁহত গছৰ পাতত অংকন কৰিছে বিভিন্ন ছবি ৷ তদুপৰি পেলনীয়া সামগ্ৰীৰে প্ৰস্তুত কৰি উলিয়াইছে ন ন সামগ্ৰী ৷ লগতে ধানেৰে প্ৰস্তুত কৰিছে গহনা ৷