ঘৰলৈ আহিছিল চি বি আই অফিচাৰ; যাওতে লৈ গ’ল ৩৫ লাখ টকাসহ সোণৰ আ-অলংকাৰ

শিলচৰ: কাছাৰৰ ভাগা ইছলামাবাদত সংঘটিত হয় এক ডকাইতিকাণ্ড । চি বি আইৰ পৰিচয় দি ব্যৱসায়ীৰ ঘৰত প্ৰবেশ কৰি বন্দুকধাৰী ডকাইতৰ দলে লুটিলে নগদ ৩৫ লাখ টকাসহ কেইবালাখ টকাৰ সোণৰ আ-অলংকাৰ । দেওবাৰে নিশা কাছাৰ জিলাৰ ধলাই বিধানসভা সমষ্টিৰ ভাগা ইছলামাবাদত সংঘটিত হৈছে এক ডকাইতি-কাণ্ড ।  

নিশা দুই বজাত ১৫/২০ জনীয়া বন্দুকধাৰী ডকাইতৰ দলে চি বি আইৰ পৰিচয় দি আবুল হুছেইন নামৰ ব্যৱসায়ীজনৰ ঘৰত সংঘটিত কৰে এই ডকাইতিকাণ্ড । ডকাইতৰ দলটো নিশা ব্যৱসায়ীজনৰ ঘৰৰ উপস্থিত হৈ চি বি আইৰ পৰিচয় দি ঘৰৰ ভিতৰত প্ৰৱেশ কৰি বন্দুক দেখুৱাই ৰছীৰে বান্ধে । ইয়াৰ পাছত আলমাৰী চাবি লৈ ঘৰৰ ভিতৰত লুটপাট আৰম্ভ কৰে ডকাইতৰ দলটোৱে । ডকাইতৰ দলটোৱে ব্যৱসায়ীজনৰ স্ক'ৰপিঅ' বাহনখনত উঠি পলায়ন কৰে যদিও পথতেই চাবিসহ বাহনখন থৈ পলায়ন কৰে । ইয়াৰ পিচতেই নিশাই ঘটনাস্থলীত আৰক্ষী উপস্থিত হৈ তদন্ত আৰম্ভ কৰে ৷  

লগতে পঢ়ক:পিষ্টলসহ গ্ৰেপ্তাৰ পাণবজাৰত সংঘটিত ডকাইতিত জড়িত যুৱক - Robbery in Guwahati - ROBBERY IN GUWAHATI