আহমেদাবাদ: গুজৰাটৰ আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত তৃতীয় আৰু অন্তিমখন এদিনীয়া মেচত ইংলেণ্ডক ১৪২ ৰাণত পৰাস্ত কৰি ভাৰতে ৩-০ ত শৃংখলা দখল কৰিছে । ভাৰতৰ ৩৫৭ ৰাণৰ প্ৰত্যুত্তৰত ইংলেণ্ডে ৩৪.২ অভাৰত ২১৪ ৰাণ সংগ্ৰহ কৰি অল আউট হয় । যাৰবাবে ভাৰতে এদিনীয়াত ইংলেণ্ডৰ বিৰুদ্ধে দ্বিতীয় বৃহত্তম জয় পঞ্জীয়ন কৰিবলৈ সক্ষম হয় । ইয়াৰ পূৰ্বে ভাৰতে ইংলেণ্ডক ৰাজকোটত ১৫৮ ৰাণৰ বৃহৎ ব্যৱধানত পৰাস্ত কৰিছিল ৷
ইংলেণ্ডৰ বিৰুদ্ধে ভাৰতৰ এদিনীয়া সৰ্ববৃহৎ জয় (ৰাণত)
- ১৫৮ ৰাণ ৰাজকোট ২০০৮
- ১৪২ ৰাণ আহমেদাবাদ ২০২৫
- ১৩৩ ৰাণ কাৰ্ডিফ ২০১৪
- ১২৭ ৰাণ কোচি ২০১৩
- ১২৬ ৰাণ হায়দৰাবাদ ২০১১
গৌতম গম্ভীৰৰ নেতৃত্বত এদিনীয়া শৃংখলাৰ প্ৰথমটো জয়
বলাৰসকলৰ উৎকৃষ্ট প্ৰদৰ্শন আৰু শুভমন গিল, শ্ৰেয়াছ আয়াৰ আৰু বিৰাট কোহলীৰ উৎকৃষ্ট ইনিংছৰ বাবেই ভাৰতে এদিনীয়া শৃংখলাত ইংলেণ্ডক ক্লিন ছুইপ কৰে । ইয়াৰ লগে লগে ইংলেণ্ডৰ বিৰুদ্ধে ভাৰতৰ ঘৰুৱা হোৱাইট বল শৃংখলাৰ সফল সামৰণি পৰে, য’ত ভাৰতে টি-২০ত ৪-১ আৰু এদিনীয়াত ৩-০ ত জয়লাভ কৰে । মুখ্য প্ৰশিক্ষক হিচাপে গৌতম গম্ভীৰৰ এয়া প্ৰথম এদিনীয়া শৃংখলাত জয় ।
𝐂𝐋𝐄𝐀𝐍 𝐒𝐖𝐄𝐄𝐏
— BCCI (@BCCI) February 12, 2025
Yet another fabulous show and #TeamIndia register a thumping 142-run victory in the third and final ODI to take the series 3-0!
Details - https://t.co/S88KfhFzri… #INDvENG @IDFCFIRSTBank pic.twitter.com/ZoUuyCg2ar
মেচ আৰু ছিৰিজৰ শ্ৰেষ্ঠ খেলুৱৈ শুভমন গিল
তৃতীয়খন মেচত ১১২ ৰাণ সংগ্ৰহৰ বাবে গিলে প্লেয়াৰ অৱ দ্য মেচৰ বঁটা লাভ কৰাৰ বিপৰীতে তিনিখন মেচৰ ছিৰিজত দুটা অৰ্ধশতক আৰু এটা শতক অৰ্জন কৰাৰ বাবে প্লেয়াৰ অৱ দ্য ছিৰিজৰ খিতাপো লাভ কৰে । প্ৰথমখন মেচত গিলে ৮৭ ৰাণ, দ্বিতীয়খন মেচত ৬০ ৰাণ আৰু তৃতীয়খন মেচত ১১২ ৰাণ সংগ্ৰহ কৰে ।
ON A ROLL!
— BCCI (@BCCI) February 12, 2025
For his excellent knock of 112 runs, @ShubmanGill is adjudged Player of the Match.
Scorecard - https://t.co/S88KfhG7gQ… #INDvENG @IDFCFIRSTBank #TeamIndia pic.twitter.com/u8ahP11nbm
ভাৰত বনাম ইংলেণ্ডৰ তৃতীয় এদিনীয়া মেচ
মেচখনৰ কথা ক’বলৈ গ’লে ৩৫৭ ৰাণৰ লক্ষ্য খেদি যোৱাৰ সময়ত ইংলেণ্ডৰ অ’পেনাৰ বেন ডাকেট আৰু ফিল ছল্টে এক উজ্জ্বল আৰম্ভণি কৰে । আৰ্শদীপ সিং আৰু হৰ্ষিত ৰাণাৰ বিৰুদ্ধে আগ্ৰাসী স্থিতি গ্ৰহণ কৰি পঞ্চম অভাৰত আৰ্শদীপৰ বলত একেৰাহে চাৰিটা চাৰি মাৰে । ইংলেণ্ডে মাত্ৰ ৫.২ অভাৰত ৫০ ৰাণৰ সীমা অতিক্ৰম কৰে । ৬০ ৰাণৰ আৰম্ভণিৰ অংশীদাৰিত্ব আৰ্শদীপে ভংগ কৰে আৰু ডাকেটক আউট কৰে । ডাকেটে ৮ টা চাৰিৰ সহায়ত ২২টা বলত ৩৪ ৰাণ সংগ্ৰহ কৰে ৷
Captain @ImRo45 is presented the winners trophy by ICC Chairman, Mr @JayShah as #TeamIndia clean sweep the ODI series 3-0 👏👏
— BCCI (@BCCI) February 12, 2025
#INDvENG | @IDFCFIRSTBank pic.twitter.com/1XaKksydw9
ইফালে ছল্টে চাৰিটা চাৰিৰ সহায়ত ২১টা বলত ২৩ ৰাণ সংগ্ৰহ কৰে । দুয়োগৰাকী অ’পেনাৰ আৰ্শদীপে আউট কৰে আৰু ৮.৪ অভাৰত ইংলেণ্ডৰ স্ক’ৰ হয় ৮০/২ । জো ৰুটৰ সৈতে টম বেণ্টনে পাঁচ বছৰৰ অন্তত আন্তঃৰাষ্ট্ৰীয় ক্ৰিকেটলৈ ঘূৰি আহিছিল । ইংলেণ্ডে ১৩.৩ অভাৰত ১০০ ৰাণৰ সীমা অতিক্ৰম কৰে । বেণ্টনে কুলদীপ যাদৱৰ বলত কে এল ৰাহুলৰ হাতত কেছ তুলি দিয়ে ৷ ৪১টা বলত চাৰিটা চাৰি আৰু দুটা ছয়ৰ সহায়ত তেওঁ ৩৮ ৰাণ সংগ্ৰহ কৰে ।
Dominant India seal a thumping 3-0 series sweep ahead of the #ChampionsTrophy 💥#INDvENG 📝: https://t.co/XiJhARNt87 pic.twitter.com/cwptJEbsQL
— ICC (@ICC) February 12, 2025
ইংলেণ্ডৰ স্ক’ৰ ১৮ অভাৰত ১২৬/৩ হয়গৈ । ইয়াৰ পিছতে ৰুট (২৯টা বলত দুটা চাৰিৰ সহায়ত ২৪ ৰাণ )ক অক্ষৰে আউট কৰে । অক্ষৰে গাছক আউট কৰি ৬টা চাৰি আৰু এটা ছয়ৰ সহায়ত ১৯টা বলত ৩৮ ৰাণৰ উজ্জ্বল ইনিংছটো সমাপ্ত কৰে । সমগ্ৰ ইংলেণ্ড দলটোৱে ৩৪.২ অভাৰত ২১৪ ৰাণ সংগ্ৰহ কৰি অল আউট হৈছিল । ভাৰতৰ আটাইকেইজন বলাৰে উইকেট সংগ্ৰহ কৰে ।
ইয়াৰ পূৰ্বে শুভমন গিলৰ উজ্জ্বল শতক আৰু বিৰাট কোহলী আৰু শ্ৰেয়াছ আয়াৰৰ অৰ্ধশতকৰ সহায়ত ভাৰতে ৫০ অভাৰত ৩৫৬ ৰাণ সংগ্ৰহ কৰে । ইংলেণ্ডৰ হৈ আটাইতকৈ সফল বলাৰ আছিল আদিল ৰছিদ ৷ ৰছিদে ১০ অভাৰত ৬৪ ৰাণত ৪ উইকেট দখল কৰে ।
লগতে পঢ়ক: দ্বিতীয়খন এদিনীয়াত ইংলেণ্ডক ৪ উইকেটত পৰাস্ত কৰি শৃংখলা দখল ভাৰতৰ
