Foreign cigarettes seized: টীয়কত বৃহৎ পৰিমাণৰ বিদেশী চিগাৰেট জব্দ

টীয়কৰ লাহদৈগড়ত বৃহৎ পৰিমাণৰ বিদেশী চিগাৰেট জব্দ (Foreign cigarettes seized at Lahdoigarh) ৷ বুধবাৰে গোলাঘাটৰ পৰা তিনিচুকীয়া অভিমুখে আহি থকা এখন বাহনত লাহদৈগড় আৰক্ষীয়ে অভিযান চলাই ৩৫ কাৰ্টন বিদেশী চিগাৰেট জব্দ কৰে (Foreign cigarettes seized by Lahdoigarh police) ৷ লগতে দুজন যুৱকক আটক কৰে ৷ আটকাধীন যুৱক দুজন গোলাঘাটৰ ৰন্টু বৰুৱা আৰু মানস বৰা বুলি জানিব পৰা গৈছে ৷ আৰক্ষীৰ সোধাপোছত আটকাধীন যুৱক দুজনৰ পৰা গোলাঘাটৰ প্ৰান্তৰ শইকীয়া নামৰ আন এজন যুৱকে ডিব্ৰুগড় জিলাৰ মৰাণৰ কোনো অজ্ঞাত স্থানত এই বৃহৎ পৰিমাণৰ বিদেশী চিগাৰেটখিনি গ্ৰহণ কৰাৰ কথা আছিল বুলি জানিবলৈ দিয়ে ৷ লগতে আটকাধীন যুৱক দুজনে জব্দ কৰা বাহনখন ৯ হাজাৰ টকাৰ বিনিময়ত ভাড়াত আনিছিল বুলি জানিবলৈ দিয়ে আৰক্ষীয়ে ৷