Fire in Bishwanath: বিশ্বনাথত অগ্নিকাণ্ড: দাওদাওকৈ জ্বলিল এখন মালবাহী ট্ৰাক

বিশ্বনাথত অঘটন ৷ বিশ্বনাথ চাৰিআলিৰ ১৫ নং ৰাষ্ট্ৰীয় ঘাইপথৰ সমীপৰ ফলফলিস্থিত HP পেট্ৰ’ল ডিপোৰ ভিতৰতে সংঘটিত হয় এক ভয়ংকৰ অগ্নিকাণ্ডৰ ঘটনা (Fire in incident in Bishwanath)। জানিব পৰা মতে, শনিবাৰে বিয়লি প্ৰায় 2 বজাত পেট্ৰ’ল ডিপোটোৰ ভিতৰত ৰখাই থোৱা এখন মালভৰ্তি পাঞ্জাৱ ব’ডি ৬ চকীয়া ট্ৰাকত জুই লাগে ৷ যাৰ ফলত নিমিষতে এই জুইত জাহ যায় এ এছ ২৫ চি চি ৪৭২০ নম্বৰৰ ট্ৰাকখন ৷ তথ্য অনুসৰি, দুৰ্ঘটনাগ্ৰস্ত ট্ৰাকখনৰ লগতে প্ৰায় দুই লাখ টকাৰ সামগ্ৰী ভষ্মীভূত হয় ৷ ইফালে ঘটনা সন্দৰ্ভত ততাতৈয়াকৈ খবৰ দিয়া হয় অগ্নি নিৰ্বাপক বাহিনীৰ লোকক ৷ পৰৱৰ্তী সময়ত ৪ খনকৈ অগ্নি নিৰ্বাপক বাহিনীৰ বাহন আহি এই জুই নিৰ্বাপন কৰিবলৈ সক্ষম হয় ৷ উল্লেখ্য যে, এক ভয়ংকৰ ঘটনা সংঘটিত হোৱাৰ পৰা কথমপি ৰক্ষা পৰে HP পেট্ৰ’ল ডিপোটো ৷