Fire in Guwahati: নিশা মহানগৰীত অগ্নিকাণ্ড: শিশুসহ আহত ৭ জন

গুৱাহাটী মহানগৰীত শুকুৰবাৰে নিশা সংঘটিত হয় ভয়ংকৰ অগ্নিকাণ্ড(Fire Incident in Guwahati) । মহানগৰীৰ ৰিহাবাৰীৰ বিলপাৰত সংঘটিত হয় এই অগ্নিকাণ্ড । অগ্নিকাণ্ডত শিশুসহ প্ৰায় ৭ জন লোক গুৰুতৰভাৱে আহত হয় । অগ্নিনিৰ্বাপক বাহিনীৰ সূত্ৰই প্ৰকাশ কৰা মতে, নিশা প্ৰায় ৯.৪৫ বজাত দুমহলীয়া ঘৰটোৰ ভূমি মহলত এই অগ্নিকাণ্ডৰ সূত্ৰপাত হয় । চিলিণ্ডাৰ বিস্ফোৰণৰ ফলতে এই অগ্নিকাণ্ড সংঘটিত হয়(Massive Fire Breaks out at Guwahati) । অগ্নিকাণ্ডত আঘাতপ্ৰাপ্ত হয় মুকুল মণি দাস(৫২), ক্ষমা দাস(৫৩), অচিত দাস(৬০), মনিষ কৌৰ (৭), মুচকান জৈন(১৯), সঞ্জয় কৌৰ( ৪৫) আৰু অমৰজিৎ দাস (১৭) । ঘটনাৰ পিছতে সাতজন লোককে জি এম চি এইচত ভৰ্তি কৰোৱা হয় । সম্প্ৰতি তেওঁলোকৰ ৪ জন লোক জি এম চি এইচত চিকিৎসাধীন হৈ আছে । আন ৩ জন আন আন হাস্পতালত ভৰ্তি হয় ।