জাঁজী নদীত গা ধুবলৈ গৈ সন্ধানহীন যুৱক

যোৰহাট জিলাৰ মৰিয়নী সমষ্টিৰ জাঁজী নদীত গা ধুবলৈ গৈ সন্ধানহীন এজন যুৱক(Youth drowned while taking bath) ৷ সন্ধানহীন যুৱকজন ভূঞাহাট আদৰ্শ গাঁৱৰ মিন্টু দাস (32) বুলি জানিব পৰা হৈছে ৷ সন্ধানহীন যুৱকজন মৰিয়নীৰ চেলেংহাট আৰক্ষী চকীৰ অন্তৰ্গত জাঁজী নদীত গা ধুবলৈ গৈছিল(Boy missing in Jaji River) ৷ যুৱকজনে নদীত গা ধুই থাকোতেই নদীৰ সোঁতে উটুৱাই নিয়ে ৷ স্থানীয় লোকে এই ঘটনা প্ৰত্যক্ষ কৰি লগে লগে নাও লৈ জাঁজী নদীত যুৱকজনৰ সন্ধান চলায় যদিও বৰ্তমানলৈ কোনো শুংসূত্ৰ লাভ কৰা নাই । আনহাতে ঘটনাস্থলীত চেলেংহাট আৰক্ষী চকীৰ বিষয়া পলমকৈ উপস্থিত হোৱাত ক্ষোভিত হয় স্থানীয় লোকসকল । সম্প্ৰতি আৰক্ষীয়ে এছ ডি আৰ এফ বাহিনীৰ সহযোগত অব্যাহত ৰাখিছে যুৱকজনৰ উদ্ধাৰ অভিযান ৷