বিজেপি-কংগ্ৰেছ-এআইইউডিএফ সাম্প্ৰদায়িক দল: লুৰিণজ্যোতি গগৈ

বটদ্ৰৱাৰ এখন ৰাজহুৱা সভাত এআইইউডিএফ প্ৰধান বদৰুদ্দিন আজমলে মহাপুৰুষ শ্ৰীমন্ত শংকৰদেৱক "চাহাব" বুলি সম্বোধন কৰাৰ পাচতে ৰাজ্যজুৰি তীব্ৰ প্ৰতিক্ৰিয়াৰ সৃষ্টি হৈছিল । শেহতীয়াভাৱে এই বিষয়ত প্ৰতিক্ৰিয়া প্ৰকাশ কৰিছিল ডিব্ৰুগড়ৰ বিজেপি বিধায়ক প্ৰশান্ত ফুকনে । মঙলবাৰে প্ৰশান্ত ফুকনে কৈছিল যে, "বদৰুদ্দিন আজমল অপদাৰ্থ, দুবছৰৰ ভিতৰত নামঘৰত নামাজ পঢ়িব লাগিব অসমীয়াই" ৷ ৰাজ্যৰ চৌদিশে এতিয়া নিৰ্বাচনৰ গৰম বতাহ বলি থকাৰ সময়তে নামৰূপত নিৰ্বাচনী সভাত এই সন্দৰ্ভত প্ৰতিক্ৰিয়া প্ৰকাশ কৰিছে ১২০ নং নাহৰকটীয়া সমষ্টিৰ এজেপিৰ প্ৰাৰ্থী লুৰিণজ্যোতি গগৈয়ে ৷ গগৈয়ে কয় যে, বিজেপি, কংগ্ৰেছ আৰু এআইইউডিএফ সাম্প্ৰদায়িক দল ৷