Corruption in health department: ৰোগীৰ পৰীক্ষা-নিৰীক্ষাৰ নামত নগাঁৱত চলিছে দালালৰাজ

নগাঁৱৰ স্বাস্থ্য বিভাগত ব্যাপক দালালৰাজ চলাৰ অভিযোগ (Corruption in the health department in Nagaon)। একাংশ চিকিৎসক, নাৰ্চ আৰু আশাকৰ্মীৰ বিৰুদ্ধে উঠিছে কমিছনৰ অংকত ব্যস্ত থকাৰ অভিযোগ । নগাঁও চহৰত থকা লেবৰেটৰীত চলে চিকিৎসাৰ নামত কমিছনৰাজ (Corruption in Nagaon civil hospital) । কমিছনৰ লালসাত চৰকাৰী চিকিৎসালয়ত সকলো ধৰণৰ সুবিধা থকাৰ পিছতো ৰোগীৰ বিভিন্ন পৰীক্ষা কৰা হয় ব্যক্তিগত লেবৰেটৰীত । এটা আলট‌্ৰাচাউণ্ডৰ বাবদ আশাকৰ্মীয়ে লাভ কৰে ৩৫০ টকাৰ কমিছন (Allegation against Asha worker)। নগাঁও ভোগেশ্বৰী ফুকননী অসামৰিক চিকিৎসালয়ৰ কাষতে থকা কেইবাটাও লেবৰেটৰীত এই কমিছনৰাজ চলাৰ অভিযোগ উঠিছে । অৱশ্যে নগাঁও জিলা স্বাস্থ্য বিভাগৰ যুটীয়া সঞ্চালক ডাঃ অৰূপজ্যোতি মহন্তই ইয়াৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি আশ্বাস প্ৰদান কৰিছে ৷