Russia Ukraine crisis: ইউক্ৰেইনৰ এটা বাংকাৰত আবদ্ধ হৈ আছে গোলাঘাটৰ এজন যুৱক

গোলাঘাট কলেজ তিনিআলিৰ যুৱক ইউক্ৰেইনত আবদ্ধ হৈ থকাক লৈ যুৱকজনৰ গৃহত হাহাকাৰ পৰিস্থিতি (Youth from Golaghat trapped in Ukraine )। গোলাঘাট কলেজ তিনিআলিৰ ইউক্ৰেইনৰ চুমিত চিকিৎসা বিজ্ঞানত অধ্যয়নৰত অৰিন্দম ফুকন নামৰ যুৱকজন আবদ্ধ হৈ থকাক লৈ হাহাকাৰ পৰিস্থিতিৰ সৃষ্টি হৈছে অৰিন্দম ফুকনৰ গৃহত । ইউক্ৰেইনৰ এটা বাংকাৰত ভয়াবহতাৰ মাজেৰে দিন পাৰ কৰাইছে অৰিন্দমৰ লগতে ভাৰতৰ বহু কেইগৰাকী ছাত্ৰ-ছাত্ৰীয়ে । অৰিন্দমৰ পিতৃমাতৃয়ে প্ৰধানমন্ত্ৰী নৰেন্দ্ৰ মোদীৰ লগতে অসমৰ মুখ্য মন্ত্ৰী হিমন্ত বিশ্ব শৰ্মালৈ কাতৰ আহ্বান জনাইছে যাতে শীঘ্ৰেই অৰিন্দম ফুকনক অসমলৈ ঘূৰাই অনাৰ ব্যৱস্থা গ্ৰহণ কৰে ।