বৈদ্যুতিক তাঁৰে প্ৰাণ কাঢ়িলে এটা বনৰীয়া হাতীৰ

পশ্চিম গুৱাহাটীৰ অন্তৰ্গত ৰাণীৰ উদয়পুৰত এটা বনৰীয়া হাতীৰ(Wild Elephant) কৰুণ মৃত্যু । খেতিপথাৰত বৈদ্যুতিক তাঁৰ সংযোগ কৰাৰ ফলত শ্বৰ্ট লাগি মৃত্যুমুখত পৰে প্ৰকাণ্ড মাইকী হাতীটো ৷ বৃহস্পতিবাৰে নিশাৰ ভাগত কাৱাছিং সংৰক্ষিত বনাঞ্চলৰ পৰা খাদ্যৰ সন্ধানত ওলাই আহিছিল চাৰিটা হাতী ৷ ইয়াৰ মাজৰে এই হাতীটোৰ বিদ্যুতৰ তাঁৰত লাগি মৃত্যু ঘটে । ঘটনাস্থলীত ইতিমধ্যে ৰাণী বন বিভাগৰ দল আৰু ৰাণী আৰক্ষী উপস্থিত হৈ উদ্ধাৰ কৰে মৃত হাতীটো । ইফালে খেতিপথাৰত বৈদ্যুতিক তাঁৰ সংযোগ কৰা দুজন লোককো আটক কৰিছে আৰক্ষীয়ে ৷