নিৰ্বাচন শেষ, কৰ'ণা আৰম্ভ...

ৰাজ্যত পুনৰ আৰম্ভ হৈছে কৰ'ণা ভাইৰাছৰ আতংক ৷ ইজনৰ পিছত আনজন আক্ৰান্ত হৈছে কৰ'ণা ভাইৰাছত ৷ কৰ'ণাই সন্ত্ৰাসৰ সৃষ্টি কৰি যোৱা এবছৰ পাৰ হ'ল কি নহ'ল পুনৰ ভূমুকি মাৰিছে মহামাৰী কৰ'ণাই ৷ ইতিমধ্যে অসমৰো বিভিন্ন প্ৰান্তৰ পৰা কৰ'ণা ভাইৰাছত আক্ৰান্ত লোকৰ তথ্য পোহৰলৈ আহিছে ৷ বিশেষকৈ মাৰ্চ মাহৰ মাজভাগৰ পৰা অসমত বৃদ্ধি পাইছে কৰ'ণা ভাইৰাছত আক্ৰান্ত লোকৰ সংখ্যা ৷ ইপিনে ২৪ ঘণ্টাত অসমত 92 জন লোক নতুনকৈ কৰ'ণা ভাইৰাছত আক্ৰান্ত হোৱাৰ বিপৰীতে মৃত্যু হৈছে 2 জন লোকৰ ৷ মন কৰিবলগীয়া কথা যে, যোৱা 26 মাৰ্চৰ পৰা 6 এপ্ৰিল পৰ্যন্ত সমগ্ৰ ৰাজ্যত মুঠ 774 গৰাকী নতুন কৰ’ণা ৰোগী ধৰা পৰিছে ৷