নাৰায়ণপুৰত স্বামীৰ বিৰুদ্ধে পত্নীক হত্যা কৰাৰ অভিযোগ

নাৰায়ণপুৰৰ যোৰহটীয়াত দেওবাৰে শোৱাপাটীত এগৰাকী মহিলাৰ মৃতদেহ উদ্ধাৰ হোৱা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে ৷ মহিলাগৰাকীৰ স্বামীৰ বিৰুদ্ধে উত্থাপন হৈছে হত্যাৰ অভিযোগ ৷ স্বামী লক্ষ্যজিৎ শেনচোৱাই পত্নী চিম্পী বৰুৱা শেনচোৱাক শোৱাপাটীতে ডিঙি চেপি হত্যা কৰাৰ অভিযোগ উঠিছে ৷ আনহাতে এই অভিযোগ অস্বীকাৰ কৰিছে লক্ষ্যজিৎ শেনচোৱাই ৷ পত্নীৰ লগত নিশা কাজিয়া হোৱাৰ পাছত লক্ষ্যজিৎ শেনচোৱাই ঘৰৰ পৰা ওলাই গৈ পুনৰ উভতি আহি পত্নীক মৃত অৱস্থাত উদ্ধাৰ কৰাৰ কথা আৰক্ষীৰ আগত প্ৰকাশ কৰিছে ৷ উল্লেখ্য যে, প্ৰায় ৪ মাহৰ পূৰ্বে বিবাহপাশত আৱদ্ধ হৈছিল লক্ষ্যজিৎ শেনচোৱা আৰু চিম্পী বৰুৱা ৷ ইতিমধ্যে অভিযুক্ত লক্ষ্যজিৎ শেনচোৱাক শিমলুগুৰি আৰক্ষীয়ে আটক কৰি তদন্ত অব্যাহত ৰাখিছে ৷