নগাঁৱত বিশিষ্ট সাংবাদিক তথা শিক্ষাবিদ প্ৰয়াত ড৹ আবু হানিফাৰ ওপজা দিন পালন

নগাঁৱৰ বিশিষ্ট সাংবাদিক, শিক্ষাবিদ প্ৰয়াত ড৹ আবু হানিফাৰ ওপজা দিন পালন । ৰূপান্তৰৰ উদ্যোগত, কলংপাৰ কাকত গোষ্ঠী আৰু সদৌ অসম গ্রাম্য পুথিভঁৰাল সন্থাৰ সহযোগত সমূহীয়াভাৱে নগাঁও প্ৰেছ ক্লাৱত প্ৰয়াত ড৹ আবু হানিফাৰ জন্মদিন উদযাপন কৰা হয় ৷ ইয়াৰ লগত সংগতি ৰাখি এখন সভাৰো আয়োজন কৰা হয় । বৃহস্পতিবাৰে আয়োজন কৰা এই সভাত উপস্থিত থাকে সদৌ অসম গ্রাম্য পুথিভঁৰাল সন্থাৰ প্ৰধান সম্পাদক বল্লদেৱ শৰ্মা, নগাঁও প্ৰেছ ক্লাৱৰ সভাপতি যাদৱ শইকীয়া, নগাওঁ প্ৰেছ ক্লাৱৰ উপদেষ্টা কনক হাজৰিকা, পুৰণিগুদাম বিৰিঞ্চি কুমাৰ বৰুৱা মহাবিদ্যালয়ৰ ৰাজনীতি বিজ্ঞান বিভাগৰ অৱসৰপ্ৰাপ্ত প্ৰৱক্তা ড৹ গিৰিণ বৰুৱা, বিশিষ্ট গল্পকাৰ শিবানন কাকতি, প্ৰয়াত সাংবাদিক ড৹ আবু হানিফাৰ পত্নী ৰৌজলীন জাহানৰ লগতে তেখেতৰ একাংশ গুণমুগ্ধ আৰু নগাঁও জিলাৰ সংবাদিক সকল । গুৰমাইল সিঙৰ পৌৰহিত্যত অনুষ্ঠিত সভাখনত প্ৰয়াত সাংবাদিক তথা শিক্ষাবিদগৰাকীৰ প্ৰতিচ্ছবিত বন্তি প্ৰজলন কৰে জ্যেষ্ঠ নাগৰিক মুকুট ভূঞাই ।