কাৰ ফোনৰ বাবে অপেক্ষা কৰিছে গৌৰৱ গগৈয়ে ?

এইবাৰ মহাজোঁটে চৰকাৰ গঠন কৰিব আৰু বিজেপি পৰাজিত হোৱাৰ লগে লগে মন্ত্ৰী ড৹ হিমন্ত বিশ্ব শৰ্মাই কংগ্ৰেছত যোগদান কৰিব বিছাৰিব বুলি মন্তব্য কৰিছে সাংসদ গৌৰৱ গগৈয়ে ৷ পল্লৱী গগৈৰ হৈ টীয়কত প্ৰচাৰ চলাই সাংসদ গৰাকীয়ে এই মন্তব্য কৰে ৷ হিমন্ত বিশ্ব শৰ্মাই কংগ্ৰেছত যোগদান কৰিব বিছাৰি কৰিব লগীয়া ফোনৰ বাবে তেওঁ অপেক্ষাৰত বুলিও মন্তব্য কৰে ৷ দলীয় সমৰ্থকৰ সৈতে বিহু নাচি মহাজোঁটৰ কংগ্ৰেছী প্ৰাৰ্থী পল্লৱী গগৈৰ হৈ সমষ্টিৰ গাখীৰখোৱা পঞ্চায়তত আয়োজিত এক নিৰ্বাচনী সভা অংশগ্ৰহণ কৰে সাংসদ গৰাকীয়ে ৷ ভোটাৰ ৰাইজক কংগ্ৰেছৰ পাঁচটা গেৰাণ্টিৰ প্ৰতিশ্ৰুতি প্ৰদান কৰাৰ লগতে জাতীয় নায়ক সৰ্বানন্দ সোণোৱালক বৰ্তমান জাতীয় খলনায়ক বুলি অভিহিত কৰি চোকা ভাষাৰে সমালোচনা কৰে গৌৰৱ গগৈয়ে ৷