কৰিমগঞ্জত 4 গৰাকী বিজেপি প্ৰাৰ্থীৰ মনোনয়ন দাখিল

ৰাজ্যত প্ৰথম পৰ্যায়ৰ নিৰ্বাচনৰ বাবে মনোনয়ন পত্ৰ দাখিলৰ সময়সীমা অন্ত পৰাৰ লগে লগে আৰম্ভ হৈছে দ্বিতীয় পৰ্যায়ৰ মনোনয়ন পত্ৰ দাখিলৰ ধুমুহা ৷ ইয়াৰ মাজতে বৃহস্পতিবাৰে কৰিমগঞ্জ জিলাৰ পাঁচটা বিধানসভা সমষ্টিৰ বাবে কেইবাজনো বাঘা বাঘা নেতাই জমা দিলে মনোনয়ন পত্ৰ ৷ ইয়াৰ মাজৰে বিজেপি দলৰ চাৰিজন প্ৰাৰ্থীয়ে বৃহস্পতিবাৰে দাখিল কৰিলে মনোনয়ন পত্ৰ ৷ মনোনয়ন দাখিলৰ সময়ত বিশাল ৰেলীৰে কৰিমগঞ্জ চহৰত একপ্ৰকাৰ শক্তি প্ৰদৰ্শন কৰিলে বিজেপিয়ে ৷ বিজেপিৰ পৰা মনোনয়ন দাখিল কৰা নেতা কেইগৰাকী ক্ৰমে- বদৰপুৰ সমষ্টিৰ বিশ্বৰূপ ভট্টাচাৰ্য, উত্তৰ কৰিমগঞ্জ সমষ্টিৰ ডাঃ মানস দাস, পাথাৰকান্দি সমষ্টিৰ কৃষ্ণেন্দু পাল আৰু ৰাতাবাৰী সমষ্টিৰ বিজয় মালাকাৰ ৷