হায়দৰাবাদ: পেটিএমৰ মূল কোম্পানী ৱান 97 কমিউনিকেশ্যন লিমিটেডে ভাৰতৰ প্ৰথমটো পেটিএম ছ’লাৰ চাউণ্ডবক্স মুকলি কৰিছে, যিটো ক্ষুদ্ৰ ব্যৱসায়ীসকলে ব্যৱহাৰ কৰিব পাৰিব । পেটিএম ছ’লাৰ চাউণ্ডবক্সত ডুৱেল বেটাৰী চিষ্টেম আছে আৰু ইয়াৰ ওপৰৰ অংশত ছ’লাৰ পেনেলও স্থাপন কৰা হৈছে । এই শব্দবাকচটোত প্ৰথম আধানৰ উৎস হ’ল সৌৰশক্তি আৰু দ্বিতীয়টো হ’ল বিদ্যুৎ ।
কোম্পানীটোৱে এই ডিভাইচটোৰ বিষয়ে তথ্য দিছে যে ইয়াৰ ওপৰৰ অংশত ছ’লাৰ পেনেল আছে, যিটো সূৰ্যৰ পোহৰৰ দ্বাৰা চাৰ্জ কৰা হয় । ইয়াৰ দুটা বেটাৰী আছে । ইয়াৰে এটা বেটাৰী সূৰ্যৰ পোহৰৰ দ্বাৰা অৰ্থাৎ সৌৰশক্তিৰ দ্বাৰা চাৰ্জ কৰা হয় আৰু আনটো বিদ্যুতৰ দ্বাৰা চাৰ্জ কৰা হয় । কোম্পানীটোৱে দাবী কৰিছে যে বিদ্যুতৰ দ্বাৰা চাৰ্জ কৰা বেটাৰীয়ে 10 দিনলৈকে বেটাৰীৰ বেকআপ দিয়ে ।
Introducing the Paytm Solar Soundbox – an innovation by our Founder & CEO @vijayshekhar that runs on solar power, works even in minimal sunlight, reduces electricity costs and provides instant payment alerts. ☀️🔊
— Paytm (@Paytm) February 20, 2025
⚡ Auto-charges in sunlight
🔋 10-day long-lasting battery
🥳… pic.twitter.com/MbLvGDhZa6
Paytm Solar Soundbox ৰ বৈশিষ্ট্যসমূহ
ৱান 97 কমিউনিকেশ্যনে এক প্ৰেছ বিজ্ঞপ্তিযোগে কয় যে এই নতুন ডিভাইচটো পৰিৱেশ অনুকূল সমাধান হিচাপে প্ৰৱৰ্তন কৰা হৈছে । বিশেষকৈ সেইসকল ক্ষুদ্ৰ ব্যৱসায়ীক উপকৃত কৰিব যিসকলে নিজৰ অঞ্চলত বিদ্যুতৰ সমস্যাৰ সন্মুখীন হয় । তেওঁলোকে নিজৰ ডিভাইচটো সৌৰশক্তিৰে চাৰ্জ কৰি এই চাউণ্ডবক্সৰ সহায়ত ব্যৱসায় বৃদ্ধি কৰিবলৈ সক্ষম হ’ব । কোম্পানীটোৱে জনোৱা মতে, কম সময়ৰ ভিতৰতে এই যন্ত্ৰটো চাৰ্জ কৰিবলৈ অতি কম সূৰ্যৰ পোহৰৰ প্ৰয়োজন হয় ।
Paytm Solar Soundbox ৰ পোহৰৰ সংস্পৰ্শলৈ আহিলে স্বয়ংক্ৰিয়ভাৱে চাৰ্জ হ’বলৈ আৰম্ভ কৰে । কোম্পানীটোৱে কয় যে ইয়াক 2-3 ঘন্টা সূৰ্যৰ পোহৰত ৰাখি গোটেই দিনটো ব্যৱহাৰ কৰিব পাৰি । এই চাউণ্ডবক্সটোত Paytm QR ক’ড আছে, যিটো UPI (Unified Payment Interface) স্কেন কৰিবলৈ ব্যৱহাৰ কৰা হয় । এই ডিভাইচটোত 4G সংযোগ, পেমেণ্ট নিশ্চিতকৰণৰ বাবে 3W স্পীকাৰ আৰু অডিঅ’ জাননীৰ বাবে 11টা ভাষাৰ বাবে সমৰ্থন আছে ।
মন কৰিবলগীয়া যে শেহতীয়াকৈ ৱান 97 কমিউনিকেচন লিমিটেডে ভাৰতৰ প্ৰথমটো পেটিএম এনএফচি কাৰ্ড চাউণ্ডবক্সো মুকলি কৰিছে । এই চাউণ্ডবক্সত এনএফচি প্ৰযুক্তি আছে, যিয়ে কেৱল এনএফচি ডেবিট বা ক্ৰেডিট কাৰ্ডৰ সৈতে টেপ কৰি মোবাইল QR পেমেণ্ট আৰু কন্টাক্টলেছ পেমেণ্টৰ অনুমতি দিয়ে ।
লগতে পঢ়ক
