তিনিচুকীয়াৰ ন-পুখুৰীত ভয়ংকৰ অগ্নিকাণ্ড

তিনিচুকীয়াৰ ন-পুখুৰীত ভয়ংকৰ অগ্নিকাণ্ড । বৃহস্পতিবাৰে নিশা তিনিচুকীয়া ন-পুখুৰীৰ অঞ্চলৰ কিশোৰ জৈন নামৰ লোক জনৰ বাস গৃহত সংঘটিত হয় এই অগ্নিকাণ্ডটো ৷ উক্ত অগ্নিকাণ্ডত তেওঁৰে টি.মেখ. এণ্টাৰপ্ৰাইজ নামৰ হাৰ্ডৱেৰ দোকান খন সম্পূৰ্ণ ভস্মীভূত হয় ৷ এই অগ্নিকাণ্ডৰ ঘটনাটো ততালিকে অগ্নি নিৰ্বাপক বাহিনীক অৱগত কৰে ৰাইজে ৷ ঘটনাস্থলীত উপস্থিত হয় অগ্নি নিৰ্বাপক বাহিনী ৷ ৭ খনকৈ অগ্নি নিৰ্বাপক বাহিনীৰ বাহনেৰে অগ্নি নিৰ্বাপন কৰিবলৈ সমক্ষ হয় যদিও দোকান খন জুইত জাহ যায় ৷ অগ্নিকাণ্ডৰ ফলত কেইবা লক্ষাধিক টকাৰ সা-সম্পত্তি জুইত জাহ গৈছে । অগ্নিকাণ্ডটো ক'ৰ পৰা কেনেকৈ সূত্ৰপাত হৈছে সঠিক কাৰণটো জানিব পৰা হোৱা নাই ৷ অৱশ্যে স্থানীয় লোকে বৈদ্যুতিক শ্বৰ্ট চাৰ্কিতৰ ফলতে এই অগ্নিকাণ্ডটো সংঘটিত হোৱা বুলি সন্দেহ প্ৰকাশ কৰিছে ।