ৰঙিয়া ৰে’ল জংচনত ভয়ংকৰ অগ্নিকাণ্ড

ৰঙিয়া ৰে’ল জংচনত সংঘটিত হৈছে অগ্নিকাণ্ড ৷ কথমপি প্ৰাণ ৰক্ষা জংচনটোৰ যাত্ৰীসকলৰ । জানিব পৰা মতে, ৰঙিয়া ৰে’ল ষ্টেচনৰ ১ নং প্লেটফৰ্মৰ ওপৰত থকা ডিপি বক্সত প্ৰথমে জুই লাগে । নিমিষতে অঞ্চলটোত ধোঁৱাই চানি ধৰাত ষ্টেচনটোত থকা যাত্ৰী আৰু কৰ্মচাৰীসকলৰ মাজত লাগে হুৱাদুৱা । পিছত ষ্টেচনত থকা কৰ্মচাৰীসকলৰ তৎপৰতাত অগ্নি নিৰ্বাপন কৰিবলৈ সক্ষম হয় । পৰৱৰ্তী সময়ত ঘটনাস্থলীত উপস্থিত হয় দুখনকৈ অগ্নিনিৰ্বাপক বাহিনীৰ গাড়ী ৷ তাৰ পাচতেই পৰিস্থিতি কিছু শাম কাটে ৷ আনহাতে, শ্ব’ৰ্ট চাৰ্কিটৰ ফলতেই এই অগ্নিকাণ্ডৰ সূত্ৰপাত হোৱাৰ সন্দেহ কৰিছে ষ্টেচন অধীক্ষকে । বৰ্তমানলৈকে জানিব পৰা হোৱা নাই ক্ষয়-ক্ষতিৰ পৰিমাণ ।