Devastating fire at Bokakaht : নৱবৰ্ষৰ আনন্দৰ মাজতে বোকাখাতৰ ধনশিৰিমুখত ভয়ংকৰ অগ্নিকাণ্ড

নৱবৰ্ষৰ আনন্দৰ মাজতে বোকাখাতৰ ধনশিৰিমুখত সংঘটিত হয় এক অঘটন ৷ নৱবৰ্ষৰ প্ৰথমটো দেওবাৰে ধনশিৰিমুখৰ জয়ন্তী পেগু আৰু তেওঁৰ কাষতে থকা আন এজন গঞাৰ ঘৰত সংঘটিত হয় এক ভয়ানক অগ্নিকাণ্ডৰ ঘটনা (Fire incident at Bokakaht) ৷ নিমিষতে জুইৰ লেলিহান শিখাত জাহ যায় দুয়োটা পৰিয়ালৰ বহু সা-সম্পত্তি (Devastating fire at Bokakaht) ৷ ততাতৈয়াকৈ অগ্নিনিৰ্বাপক বাহিনীক খবৰ দিয়া হয় যদিও অগ্নিনিৰ্বাপক বাহিনীৰ লোক আহি পোৱাৰ পূৰ্বে জ্বলি নিঃশেষ হয় বাসগৃহ দুটা । জানিব পৰা মতে, এই অগ্নিকাণ্ডৰ ফলত দুয়োটা পৰিয়ালৰে ৫ লক্ষাধিক টকাৰো অধিক ক্ষতি সাধন হৈছে ৷ উল্লেখ্য যে, সৌভাগ্যক্ৰমে অগ্নিকাণ্ডৰ সময়ত বাসগৃহ দুয়োটাত নাছিল কোনো লোক ৷ অৱশ্যে বৰ্তমানেও অগ্নিৰ সূত্ৰপাতৰ কাৰণ জানিব পৰা নাই ৷