ত্ৰিপুৰাৰ বৰ্বৰ আক্ৰমণৰ প্ৰতিবাদত গুৱাহাটীত চি পি আই (এম)ৰ প্ৰতিবাদ

ত্ৰিপুৰাত চি পি আই (এম)ৰ নেতাকৰ্মীৰ ওপৰত বৰ্বৰ আক্ৰমণ, দলীয় কাৰ্যালয়ত অগ্নি সংযোগ আৰু বিভিন্ন বাতৰি প্ৰতিষ্ঠানত চলা আক্ৰমণৰ প্ৰতিবাদত শুকুৰবাৰে চি পি আই (এম)য়ে ৰাজ্যজুৰি প্ৰতিবাদ দিৱস পালন কৰে । ইয়াৰে অংশ হিচাপে গুৱাহাটী মহানগৰীৰ গুৱাহাটী ক্লাব ৰটাৰী পইন্টতো চি পি আই (এম)য়ে প্ৰতিবাদী কাৰ্যসূচী ৰূপায়ন কৰে । প্ৰতিবাদকাৰীসকলে ত্ৰিপুৰাত বিজেপিৰ ৰাজনৈতিক হিংসা নচলিব, ত্ৰিপুৰাত বিজেপিৰ ফেচীবাদ আক্ৰমণৰ বিৰুদ্ধে সকলো ৰাইজ এক হওঁক, চি পি আই (এম)ৰ কাৰ্যালয়ত বিজেপিৰ আক্ৰমণৰ বিৰুদ্ধে গৰ্জি উঠক আদি শ্ল’গান দি হাতে হাতে বেনাৰ পোষ্টাৰ লৈ ত্ৰিপুৰাত বিজেপিৰ গুণ্ডাবাহিনীৰ দ্বাৰা গণতন্ত্ৰ নিধন যজ্ঞৰ প্ৰতিবাদ সাব্যস্ত কৰে । প্ৰতিবাদকাৰীসকলে এই আক্ৰমণ অতি শীঘ্ৰে দমণ কৰাৰ বাবে ত্ৰিপুৰাৰ বিজেপি নেতৃত্বাধীন চৰকাৰক দাবী জনায় ৷