CMs Birthday Celebration: কমলপুৰত মুখ্যমন্ত্ৰী ড৹ শৰ্মাৰ জন্মদিন উদযাপন

মঙলবাৰে কমলপুৰ সমষ্টিৰ বিধায়ক দিগন্ত কলিতাৰ উদ্যোগত আৰু পুঠিমাৰী মহাবিদ্যালয়ৰ কৰ্তৃপক্ষৰ সহযোগত কমলপুৰ অঞ্চলৰ আগশাৰীৰ শিক্ষানুষ্ঠান পুঠিমাৰী মহাবিদ্যালয়ত অসমৰ জনপ্ৰিয় মুখ্যমন্ত্ৰী ড৹ হিমন্ত বিশ্ব শৰ্মাৰ 53 সংখ্যক জন্মদিন (Assam CM Himanta Biswa Sarma Turns 53) পালন কৰা হয় । এই অনুষ্ঠানত উপস্থিত থাকি কমলপুৰৰ বিধায়ক দিগন্ত কলিতা (MLA Diganta Kalita at Puthimari College) ই কেন্দ্ৰই এইবাৰ বাজেটত অসমলৈ প্ৰায় 1500 কোটি টকাৰ পেকেজ আগবঢ়োৱাত সন্তোষ প্ৰকাশ কৰে ৷ লগতে মুখ্যমন্ত্ৰীৰ জন্মদিনৰ লগত সংগতি ৰাখি মহাবিদ্যালয়খনৰ আৰ্থিকভাৱে অনগ্ৰসৰ মেধা সম্পন্ন সৰ্বমুঠ 53জন ছাত্ৰ ছাত্ৰীৰ মাজত বিধায়কৰ তৰফৰ পৰা প্ৰতিগৰাকীলৈ 2000 টকাৰ এককালীন সাহাৰ্য্য প্ৰদান কৰা হয় । ইয়াৰোপৰি পুঠিমাৰী মহাবিদ্যালয়ত অনতিপলমে বিজ্ঞান শাখাটো অন্তৰ্ভূক্ত হ’ব বুলি বিধায়ক গৰাকীয়ে সদৰী কৰে । আনফালে জালুকবাৰী সমষ্টিৰ অন্তৰ্গত বেজেৰা, শৰাঘাট আদি অঞ্চলটো ভিন্ন কাৰ্য্যসূচীৰে অসমৰ মুখ্যমন্ত্ৰী গৰাকীৰ জন্মদিন পালন কৰা হয় ।