CM in Majuli: মাজুলীত পাঁচখন বিচনা যুক্ত ICU কক্ষ উদ্বোধন ড৹ শৰ্মাৰ

দুদিনীয়া ভ্ৰমণসূচীৰে বৃহস্পতিবাৰে মাজুলীত উপস্থিত হয় ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা ৷ মাজুলীত উপস্থিত হৈ মাজুলীবাসীৰ সমস্যাৰ বুজ লয় মুখ্যমন্ত্ৰী ড৹ শৰ্মাই ৷ মাজুলীবাসীৰ দীৰ্ঘদিনীয়া সমস্যা আছিল মাজুলীৰ চিকিৎসালয়ত আই চি ইউৰ সুবিধা নথকা বিষয়টো । মাজুলীৰ ৰাইজৰ সুবিধাৰ্থে মাজুলী জিলা চিকিৎসালয়ত প্ৰায় এক কোটি টকা ব্যয় সাপেক্ষে নিৰ্মাণ কৰা পাঁচখন বিচনা যুক্ত ICU কক্ষ বৃহস্পতিবাৰে উদ্বোধন কৰে মুখ্যমন্ত্ৰী ড৹ হিমন্ত বিশ্ব শৰ্মাই । এই সুবিধাৰ ফলত মাজুলীবাসীৰ দীৰ্ঘদিনীয়া সমস্যা সমাধান হ’ব বুলি আশাবাদী মাজুলীবাসী ।