জনীয়াত ভোটাধিকাৰ সাব্যস্ত কৰিলে মহাজোঁটৰ প্ৰাৰ্থী ড৹ হাফিজ ৰফিকুল ইছলামে

ৰাজ্যত আজি মুঠ 12 খন জিলাৰ 40 টা সমষ্টিত অনুষ্ঠিত হৈছে তৃতীয় পৰ্যায়ৰ ভোট গ্ৰহণ প্ৰক্ৰিয়া ৷ মুঠ 79,19,641 গৰাকী ভোটাৰে ভোটাধিকাৰ সাব্যস্ত কৰিবলগীয়া ভোটগ্ৰহণত 44 নং জনীয়া বিধানসভা সমষ্টিটো ভোটাৰ সকলৰ মাজত দেখিবলৈ হোৱা গৈছে ব্যাপক উৎসাহ উদ্দীপনা ৷ পুৱাৰে পৰা দীঘলীয়া শাৰীপাতি আন আন ভোটাৰ সকলৰ লগত কলগাছিয়া এম ই স্কুলৰ 58নং আদৰ্শ ভোট কেন্দ্ৰত ভোটাধিকাৰ সাব্যস্ত কৰিলে মহাজোঁটৰ প্ৰাৰ্থী ড৹ হাফিজ ৰফিকুল ইছলামে ৷ ভোটাধিকাৰ সাব্যস্ত কৰি প্ৰাৰ্থী গৰাকীয়ে কয়, অসমৰ জনগণে এইবাৰ সাম্প্ৰদায়িক আৰু ভ্ৰষ্টাচাৰী শাসনৰ অন্ত পেলাই ধৰ্মনিৰপেক্ষতা আৰু উন্নয়নৰ স্বাৰ্থত এখন পৰিৱৰ্তনকামী চৰকাৰ প্ৰতিষ্ঠা কৰিব।