Murder in Karimganj: পত্নীৰ প্ৰহাৰত প্ৰাণ হেৰুৱালে স্বামীয়ে

কৰিমগঞ্জ,১৩ অক্টোবৰ: কৰিমগঞ্জত সংঘটিত হৈছে এক নৃশংস হত্যাকাণ্ড । পাকঘৰতে প্ৰহাৰ কৰি পত্নীয়ে হত্যা কৰিলে স্বামীক । কৰিমগঞ্জ চহৰৰ নয়বাৰী অঞ্চলত এই চাঞ্চল্যকৰ হত্যাকাণ্ড সংঘটিত হৈছে । পাৰিবাৰিক বিবাদৰ বাবে পত্নীয়ে স্বামীক হত্যা কৰা বুলি জানিব পৰা গৈছে । আৰক্ষীয়ে ঘটনা সন্দৰ্ভত আৰম্ভ কৰিছে তদন্ত ।  

জানিব পৰা মতে, শুকুৰবাৰে উত্তৰ কৰিমগঞ্জৰ নয়াবাৰী অঞ্চলত স্বামী-স্ত্ৰীৰ মাজত হোৱা পাৰিবাৰিক কন্দলৰ পৰিণতিত পাকঘৰতে পত্নীয়ে হত্যা কৰিছিল অজয় ​​নাথ নামৰ লোকজনক । দুৰ্ভগীয়া অজয়ৰ বয়স প্ৰায় চল্লিশ বছৰ হ'ব বুলি জানিবলৈ দিয়ে পৰিয়ালৰ লোকে । উত্তৰ কৰিমগঞ্জৰ স্থায়ী বাসিন্দা ৰতিশ নাথৰ পুত্ৰ অজয় ​​নাথে পত্নী আৰু সন্তানৰ সৈতে তিলাবজাৰৰ সমীপৰ নয়াবাৰী অঞ্চলত বাস কৰিছিল । এছ এছ বিৰ পৰা স্বেচ্ছাই অৱসৰ গ্ৰহণ কৰিছিল অজয় নাথে ।  

শুকুৰবাৰে পুৱা সাত বজাত অজয় ​​নাথৰ পত্নীয়ে স্বামীৰ মূৰৰ পিছফালে প্ৰহাৰ কৰাৰ লগে লগে ঢলি পৰে লোকজন । ফলত থিতাতে মৃত্যু হয় অজয় ​​নাথৰ । এই ঘটনাক কেন্দ্ৰ কৰি নয়াবাৰী অঞ্চলত সৃষ্টি হয় তীব্ৰ উত্তেজনাৰ । ইতিমধ্যে কৰিমগঞ্জ আৰক্ষীয়ে হত্যাকাৰী পত্নীক আটক কৰি জেৰা অব্যাহত ৰাখিছে ।  

লগতে পঢ়ক: Murder in Guwahati: নৃশংস হত্যাকাণ্ড; পত্নীক ডিঙি চেপি হত্যা স্বামীৰ