মহিলাৰ ৰহস্যজনক মৃত্যু, পুখুৰীৰ পাৰত মৃতদেহ উদ্ধাৰ

হোজাই, 20 নৱেম্বৰ : হোজাই জিলাৰ লংকা আৰক্ষী থানাৰ অন্তৰ্গত ঠাইচুবালিত এগৰাকী মহিলাৰ ৰহস্যজনকভাৱে মৃতদেহ উদ্ধাৰ কৰা হৈছে ৷ সোমবাৰে পুৱা পুখুৰী পাৰত পৰি থকা অৱস্থাত উদ্ধাৰ বিবাহিত মহিলাৰ মৃতদেহ ৷ মৃত মহিলাগৰাকীৰ নাম জামিনা বেগম (২৮) বুলি জানিব পৰা গৈছে । জানিব পৰা মতে, জামিনা বেগম পূৰ্বে এজন ব্যক্তিৰ লগত বিবাহপাশত আৱদ্ধ হৈছিল ৷ কিন্তু পূৰ্বৰ স্বামীগৰাকী কৰ্মসূত্ৰে বাহিৰত থকাত জামিনাই পলাই গৈছিল আন এজন যুৱকলৈ ৷ পৰবৰ্তী সময়ত, জামিনা বেগমৰ মাতৃ পৰিয়ালৰ লোকে পলাই যোৱা যুৱকজনৰ পৰা জামিনা বেগমক ধৰি আনি মাতৃগৃহ ঠাইচুৱালিত ৰাখিছিল ৷

তাৰ পিচতেই আজি পুৱা এই ঘটনা সংঘটিত হয় ৷ ইতিমধ্যেই, ঘটনাস্থলীত লংকা আৰক্ষীৰ লগতে জিলা DSP শ্যামন্ত শৰ্মাই উপস্থিত হৈ তদন্ত অব্যাহত ৰখাৰ লগতে মৃত জামিনা বেগমৰ মৃতদেহটো লংকা আৰক্ষী থানালৈ লৈ আহে ৷ জামিনা বেগমক কোনে হত্যা কৰিলে বৰ্তমানলৈকে জানিব পৰা হোৱা নাই, আৰক্ষীৰ তদন্তৰ পিচতহে সকলো পোহৰলৈ আহিব ৷

লগতে পঢ়ক: চুৰি কৰা বাইকেৰে বন্ধুক লৈ গৈছিল প্ৰেয়সীক লগ কৰিবলৈ, বশিষ্ঠত পৰিল ধৰা