Wild buffalo kills teenager: বনৰীয়া ম'হৰ ত্ৰাস : নিহত এজন

গুৱাহাটী, 15 ডিচেম্বৰ : পশ্চিম মায়ঙৰ সমীপৰ নিজ গোবৰ্ধনত অঘটন ৷ পবিতৰাৰ পৰা ওলাই অহা গোনা ম'হৰ আক্ৰমণত কিশোৰ-কিশোৰীসহ দুজন আহত হোৱাৰ লগতে চিকিৎসালয়লৈ নিয়াৰ পথত মৃত্যুক সাৱটিলে 12 বছৰীয়া এগৰাকী কিশোৰে ৷

জানিব পৰা মতে শুকুৰবাৰে দিনৰ প্ৰায় 1 মান বজাত কলং নৈত গা ধুবলৈ যাওতে কৃষ্ণ সূত্ৰধৰ (68) নামৰ এজন লোকক আক্ৰমণ কৰে গোনা ম'হে ৷ পৰৱৰ্তী সময়ত খেলি থকা অৱস্থাত পিংকী বৰ্মন (13) নামৰ এগৰাকী কিশোৰী আৰু যশ বিশ্বাস (12) নামৰ কিশোৰ গৰাকীক আক্ৰমণ কৰে ম'হে ৷ ম’হৰ আক্ৰমণত গুৰুতৰভাৱে আহত হয় দুয়োগৰাকী ৷  

গুৰুতৰভাৱে আহত দুয়োকে ততাতৈয়াকৈ GNRC লৈ প্ৰেৰণ কৰা হয় যদিও যশ বিশ্বাস নামৰ কিশোৰগৰাকীৰ মৃত্যু হয় বুলি জানিব পৰা গৈছে ৷ আনহাতে ম'হে পুনৰ সঞ্জীৎ বৰ্মন (31) নামৰ আন এগৰাকী লোককো আক্ৰমণ কৰে ৷ আন আহতসকলক গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে ৷ ঘটনাস্থলীত বন বিভাগৰ লোক উপস্থিত হৈ গোনা ম'হটো খেদি পঠিওৱাৰ চেষ্টা অব্যাহত ৰাখিছে ৷ 

লগতে পঢ়ক : যোৰহাটৰ কম্পিউটাৰ চেন্টাৰত উত্তেজনাময় পৰিস্থিতি