বৰপেটাত বিকশিত ভাৰত সংকল্প যাত্ৰা গাঁও পঞ্চায়তত আৰম্ভ

বৰপেটা, ২২ নবেম্বৰ: বিকশিত ভাৰত সংকল্প যাত্ৰা আজি বৰপেটা জিলাৰ গাঁও পঞ্চায়ত স্তৰত আৰম্ভ হয় । জিলাখনত বুধবাৰে এই যাত্ৰাৰ আৰম্ভণি কাৰ্যসূচী অনুষ্ঠিত হয় হাউলীৰ সমীপৰ হাজিপাৰা গাঁও পঞ্চায়তত । পঞ্চায়তখনৰ অন্তৰ্গত হালাপাকুৰি উচ্চতৰ মাধ্যমিক খেলপথাৰত বহু সংখ্যক লোকৰ উপস্থিতিত সংকল্প যাত্ৰাৰ বাহনখন মুকলি কৰে বৰপেটা জিলাৰ সহকাৰী আয়ুক্ত ভাৰ্জিল কলিতাই ।

ইয়াৰ পাছত অনুষ্ঠিত এখন সভাত ভাৰত চৰকাৰৰ বিভিন্ন আচনিৰ জৰিয়তে উপকৃত হোৱা কেইবাগৰাকী হিতাধিকাৰী তথা ৰাইজে নিজৰ অনুভৱ ব্যক্ত কৰে । আনহাতে, সহকাৰী আয়ুক্ত ভাৰ্জিল কলিতাই কয় যে বিকশিত ভাৰত সংকল্প যাত্ৰা বৰপেটা জিলাৰ বিভিন্ন পঞ্চায়তত অনুষ্ঠিত হ'ব । এই কাৰ্যসূচীৰ জৰিয়তে আয়ুস্মান কাৰ্ড বিতৰণ কৰাৰ উপৰি উপযুক্ত হৈও বিভিন্ন কাৰণত চৰকাৰৰ আঁচনিবোৰৰ পৰা অদ্যপি বাদ পৰি ৰোৱা লোকসকলক সুবিধা লাভৰ ব্যৱস্থা কৰা হ'ব । তদুপৰি চৰকাৰৰ আঁচনিসমূহৰ বিষয়েও এই যাত্ৰাৰ জৰিয়তে প্ৰচাৰ কৰা হ'ব ।

লগতে পঢ়ক:এ পি এছ চি কেলেংকাৰী: যোৰহাটৰ উপ-আৰক্ষী অধীক্ষক (অপৰাধ) ছাহজাহান সৰকাৰক গ্ৰেপ্তাৰ