Pythons rescued: মাকুমত একেদিনাই দুডালকৈ প্ৰকাণ্ড অজগৰ উদ্ধাৰ

তিনিচুকীয়া,১২ ছেপ্টেম্বৰ: তিনিচুকীয়া জিলাৰ মাকুম টিংৰাই গাওঁত মঙলবাৰে দুডাল প্ৰকাণ্ড অজগৰ উদ্ধাৰ কৰাক লৈ অঞ্চলজুৰি তীব্ৰ চাঞ্চল্যৰ সৃষ্টি হয় । মাকুম টিংৰাই গাঁওৰ এৰাবাৰীত এডাল আৰু বিয়লিভাগত টিংৰাই গাঁৱৰ দাহাৰো মুড়া নামৰ এজন লোকৰ ঘৰৰ চৌহদৰ পৰা প্ৰকাণ্ড অজগৰ সাপ উদ্ধাৰ হোৱাত ৰাইজৰ মাজত এক আতংকময় পৰিবেশৰ সৃষ্টি হৈছে ।

প্ৰাপ্ত তথ্য অনুসৰি উক্ত প্ৰকাণ্ড অজগৰ ডালে সেই ঠাইতে এটি গৰুক ভক্ষণ কৰিব লওঁতেই স্থানীয় এগৰাকী মহিলাই অজগৰদাল প্ৰত্যক্ষ কৰি লগে লগে গাঁৱৰ ৰাইজক অৱগত কৰে । অন্যহাতে বিয়লিভাগত টিংৰাই গাঁৱৰ দাহাৰো মুড়া নামৰ এজন লোকৰ ঘৰৰ চৌহদৰ পৰা আৰু এডাল প্ৰকাণ্ড অজগৰ সাপ উদ্ধাৰ কৰে ঘৰৰগৰাকীয়ে । স্থানীয় ৰাইজে বন বিভাগৰ লোকক ঘটনাটি অৱগত কৰাত ঘটনাস্থলীত বন বিভাগৰ লোক উপস্থিত হৈ সাপ কেইডাল উদ্ধাৰ কৰি বন বিভাগৰ কাৰ্যালয়লৈ লৈ যায় আৰু লক্ষীপথাৰ বনাঞ্চলত মোকলাই দিয়ে ।

লগতে পঢ়ক: PDS Rice corruption: চৰকাৰী চাউল আত্মসাৎ কৰি ৰাইজৰ ৰোষত পৰিল এজেণ্ট