গোৱালপাৰাৰ সৰগপাৰাত ড্ৰাগছসহ আৰক্ষীৰ জালত দম্পতী

গোৱালপাৰা, 20 ডিচেম্বৰ : ৰাজ্যত অব্যাহত আছে ড্ৰাগছ বিৰোধী অভিযান ৷ বুধবাৰে পুৱাৰ ভাগত গোৱালপাৰা জিলাৰ কৃষ্ণাইৰ টুকুৰা গাঁৱত ড্ৰাগছৰ বিৰুদ্ধে আগিয়া আৰক্ষীয়ে অভিযান চলায় ৷ আৰক্ষীৰ অভিযানত টুকুৰাৰ সৰগপাৰাৰ পৰা বৃহৎ পৰিমাণৰ ড্ৰাগছৰ লগতে মহিলাসহ এজনক আটক কৰিবলৈ সক্ষম হয় আৰক্ষী ৷

ধৃত কেইটাৰ পৰা 18 টাকৈ ড্ৰাগছ ভৰ্তি কন্টেইনাৰ জব্দ কৰে আৰক্ষীয়ে ৷ স্থানীয় ৰাইজৰ অভিযোগ অনুসৰি, টুকুৰা সৰগপাৰাত দীৰ্ঘদিন ধৰি এটা ভাড়াঘৰত এটা দম্পতীয়ে চলাই গৈছিল ড্ৰাগছৰ বেহা ৷ সেই কথা স্থানীয় ৰাইজে আগিয়া আৰক্ষীক অৱগত কৰিছিল ৷ ৰাইজৰ খবৰৰ ভিত্তিত বুধবাৰে অভিযান চলাই ড্ৰাগছসহ দম্পতীটোক আটক কৰে আৰক্ষীয়ে ৷ অধিক তথ্যৰ বাবে বৰ্তমান আগিয়া আৰক্ষীয়ে দম্পতীটোক জেৰা অব্যাহত ৰাখিছে বুলি জানিব পৰা গৈছে ৷ 

লগতে পঢ়ক : Goalpara police encounter: গোৱালপাৰাত আৰক্ষী-ডকাইতৰ দলৰ মাজত প্ৰচণ্ড গুলীয়াগুলী