Ripun Bora on BJP govt; বিজেপি চৰকাৰখন ডকাইত আৰু লুটপাতৰ চৰকাৰহে : ৰিপুন বৰা

ধেমাজি, 23 ছেপ্টেম্বৰ : ‘‘অতি দুৰ্ভাগ্যৰ বিষয় যে প্ৰতিটো অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ সমান্তৰালভাৱে বিভিন্ন সামগ্ৰীত বিজেপি চৰকাৰে আৰোপ কৰিছে কৰ-কাটল ৷ যাৰ ফলত জুৰুলা হৈছে জনসাধাৰণ ৷ শেহতীয়াকৈ দুৰ্গা পূজাকলৈয়ো উদযাপন সমিতিৰ ওপৰত কৰ আৰোপ কৰিব বিচাৰিছে বিজেপি চৰকাৰে ৷’’ বিজেপি চৰকাৰৰ এনে কাৰ্যক তীব্ৰ সমালোচনা কৰে তৃণমূল কংগ্ৰেছৰ ৰাজ্যিক সভাপতি ৰিপুন বৰাই ৷

লগতে তৃণমূল কংগ্ৰেছৰ ৰাজ্যিক সভাপতিগৰাকীয়ে ৰাজ্যৰ চৰকাৰখনক ডকাইত আৰু লুটপাতৰ চৰকাৰ বুলিও ভৎসনা কৰে ৷ উল্লেখ্য যে, শুকুৰবাৰে ধেমাজি সদৰত তৃণমূল কংগ্ৰেছৰ উদ্যোগত আয়োজন কৰা হৈছিল এক দলীয় সভা ৷ এই সভাত অংশগ্ৰহণ কৰি সংবাদ মাধ্যমৰ আগত তৃণমূল কংগ্ৰেছৰ ৰাজ্যিক সভাপতিগৰাকীয়ে বিজেপি চৰকাৰখনক এইদৰে কটাক্ষ কৰে ৷

লগতে পঢ়ক : Corruption in road construction:মন্ত্ৰী পীযুষ হাজৰীকাৰ সমষ্টিত পথ নিৰ্মাণৰ নামত দুৰ্নীতিৰ অভিযোগ