Tense situation over election: মনোনয়ন দাখিলক লৈ মঙলদৈ মহাবিদ্য়ালয়ত উত্তেজনা

দৰঙ,২৪ ছেপ্টেম্বৰ: মনোনয়ন দাখিলক লৈ মঙলদৈ মহাবিদ্য়ালয়ত সৃষ্টি হয় এক উত্তেজনাময় পৰিৱেশৰ । প্ৰতিবাদমুখৰ হৈ পৰে মহাবিদ্য়ালয়খনৰ চৌহদ । জানিবপৰামতে শনিবাৰে মঙলদৈ মহাবিদ্যালয়ৰ ছাত্ৰ একতাসভাৰ সাধাৰণ নিৰ্বাচনৰ মনোনয়ন দাখিলৰ অন্তিম দিন আছিল । দিনৰ ১২ বজাত অন্তিম সময় দিছিল যদিও সময়ত মনোনয়ন দিব নোৱাৰিলেও ABVP সমৰ্থিত প্ৰাৰ্থীয়ে ।  

পথত সমদল কৰি থাকোতে সময়ত আহি মনোনয়ন জমা দিব নোৱাৰিলে এবিভিপি সমৰ্থিত প্ৰাৰ্থীসকলে । তাকে লৈ উত্তেজনাই বিৰাজ কৰে মহাবিদ্যালয়খনত । মহবিদ্য়ালয় কৰ্তৃপক্ষই এবিভিপি সমৰ্থিত প্ৰাৰ্থীসকলৰ মনোনয়ন গ্ৰহণ নকৰিলে আন্দোলন কৰাৰ হুংকাৰ দিয়াৰ বিপৰীতে ইতিমধ্যে মনোনয়ন জমা দিয়া প্ৰাৰ্থীসকলে নিৰ্বাচনী নিয়মমতে নিৰ্বাচন অনুষ্ঠিত কৰাৰ দাবী উত্থাপন কৰে । যাৰ পৰিপ্ৰেক্ষিতত বিপাঙত পৰে মহাবিদ্যালয় কৰ্তৃপক্ষ । বাৰে বাৰে অধ্যক্ষৰ কোঠাত বৈঠক অনুষ্ঠিত কৰিও বাতৰি সংগ্ৰহৰ সময়লৈকে কোনো সিদ্ধান্ত গ্ৰহণ কৰিব পৰা নাই মঙলদৈ মহাবিদ্যালয় কৰ্তৃপক্ষই ।  

লগতে পঢ়ক: Terrible road accident:জন্মদিনৰ পাৰ্টীলৈ যোৱাই কাল হ’ল বনজিৎ বৰ্মণৰ