Tense situation: চোৰাংভাৱে গৰু সৰবৰাহ কৰা বাহন জ্বলোৱাক কেন্দ্ৰ কৰি উত্তপ্ত পৰিস্থিতি

চামগুৰি, 25 আগষ্ট : চামগুৰিৰ সোণাৰিবালিত চোৰাং গৰু সৰবৰাহকাৰী বাহন জ্বলোৱাক কেন্দ্ৰ কৰি উত্তপ্ত পৰিস্থিতিৰ সৃষ্টি হৈছে । ঘটনাৰ বিৱৰণী অনুসৰি শুকুৰবাৰে ৩৭ নং ৰাষ্ট্ৰীয় ঘাই পথত  চোৰাং গৰু সৰবৰাহকাৰী এখন গাড়ীয়ে আন এখন সৰু গাড়ীক খুন্দিয়াই দিয়ে ৷ লগে লগে স্থানীয় লোকে দুৰ্ঘটনাত পতিত হোৱা বাহনখন উদ্ধাৰ কৰিবলৈ আহি চোৰাং গৰু সৰবৰাহৰ সম্ভেদ পাই বাহনখন জ্বলাই দিয়ে ৷ ইয়াতে ক্ষান্ত নাথাকি উত্তেজিত ৰাইজে চোৰাং গৰু সৰবৰাহকাৰী দুই অভিযুক্তকো মাৰধৰ কৰে ৷ ইয়াৰ পিচতে আন এখন গাড়ীও ক্ষতিগ্ৰস্ত কৰে উত্তেজিত ৰাইজে ৷

পৰৱৰ্তী সময়ত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷ উল্লেখ্য় যে অঞ্চলটোত বিগত দিনসমূহত চোৰাংভাৱে গৰু সৰবৰাহ কৰাৰ বহু ঘটনা সংঘটিত হৈ আহিছে ৷

লগতে পঢ়ক: Murder case at Behali: পুত্ৰৰ আক্ৰমণত মাহীমাকৰ মৃত্যু, গুৰুতৰভাৱে আহত পিতৃ