হোজাই জিলাত আজিৰে পৰা স্বাস্থ্য সেৱা উৎসৱ-২ উদযাপন

হোজাই, ২০ নৱেম্বৰ: হোজাই জিলাত স্বাস্থ্য আৰু পৰিয়াল কল্যাণ বিভাগৰ উদ্যোগত আজিৰে পৰা তিনিদিনীয়া কাৰ্যসূচীৰে স্বাস্থ্য সেৱা উৎসৱ-২ উদযাপন কৰা হৈছে । চলিত বৰ্ষৰ এপ্রিল মাহত 'স্বাস্থ্য সেৱা উৎসৱ-১' সফলতাৰে সম্পন্ন হৈছিল । ইয়াৰ পাচতেই পুনৰ এইবাৰ দ্বিতীয়বাৰলৈ ৰাজ্যত 'স্বাস্থ্য সেৱা উৎসৱ-২' অনুষ্ঠিত কৰাৰ সিদ্ধান্ত লয় স্বাস্থ্য আৰু পৰিয়াল কল্যাণ বিভাগে ৷

সেই অনুসৰি আজি হোজাই জিলাৰ লংকা মহকুমা স্বাস্থ্য খণ্ডৰ অন্তৰ্গত লংকা প্ৰাথমিক স্বাস্থ্য কেন্দ্ৰত 'স্বাস্থ্য সেৱা উৎসৱ-২' দিনজোৰা কাৰ্যসূচীৰে পালন কৰা হৈছে । উল্লেখ্য যে, ভাৰতবৰ্ষৰ ভিতৰতে প্রথমবাৰৰ বাবে অসমত আৰম্ভ কৰা হৈছে 'স্বাস্থ্য সেৱা উৎসৱ' ৷ ইয়াৰ মূল লক্ষ্য হৈছে সামগ্রিকভাৱে ৰাজ্যৰ স্বাস্থ্য খণ্ডৰ আন্তঃগাঁথনি উন্নীতকৰণ আৰু জনসাধাৰণক গুণগত মানসম্পন্ন স্বাস্থ্য সেৱা প্রদান সুনিশ্চিত কৰা ।

লগতে পঢ়ক: গোলাঘাটতো অনুষ্ঠিত হৈছে ২০২৩-২৪ বৰ্ষৰ সাংস্কৃতিক মহাসংগ্ৰাম