ULFA(I) Linkman arrested: আৰক্ষীৰ গুলীয়ে ভেদিলে আলফা (স্বাঃ)ৰ লিংকমেলৰ ভৰি

ডিব্ৰুগড়, ৩০ জুলাই: চৰাইদেউ জিলাৰ সোণাৰিত এনকাউন্টাৰ হোৱা আলফা স্বাধীনৰ সদস্য যোগেন গগৈক দেওবাৰে বিয়লি জৰুৰীকালীন অৱস্থাত ডিব্ৰুগড়ৰ AMCH ত ভৰ্তি কৰোৱা হয় । আৰক্ষীৰ গুলীত গুলীবিদ্ধ হৈ সোঁ ভৰিৰ ইপাৰ সিপাৰে পাৰ হৈ যায় । মূৰত কিছু পৰিমাণে আঘাত পোৱাৰ বাবে চি টি স্কেন কৰিবলগীয়া হৈছে গুলীবিদ্ধ হোৱা যোগেন গগৈৰ । AMCH ৰ উপ অধীক্ষক ডাঃ হিতেন্দ্ৰ সোণোৱালে তেওঁৰ স্বাস্থ্য পৰীক্ষাৰ পাচত সংবাদ মাধ্যমৰ আগত তেওঁৰ অৱস্থা বৰ্তমান সুস্থিৰ বুলি জানিবলৈ দিয়ে ৷ 

উল্লেখ্য যে, শনিবাৰে চৰাইদেউ জিলাৰ সোণাৰিত আৰক্ষীৰ জালত পৰিছিল আলফা স্বাধীনৰ সদস্যগৰাকী । চৰাইদেউ আৰক্ষী আৰু সেনাৰ যুটীয়া অভিযানত আটক কৰা হৈছিল যোগেন গগৈক । জিলাখনৰ বৰহাট ডফলাৰ পৰা যোগেন গগৈক সেনা-আৰক্ষীয়ে আটক কৰিছিল । কিন্তু কালি সেনা-আৰক্ষীয়ে আটক কৰা ছালফা সদস্য যোগেন গগৈলৈ গুলী চলালে আৰক্ষীয়ে । অতি ৰহস্যজনক অৱস্থাত গুলীবিদ্ধ হয় যোগেন গগৈ । কি কাৰণত কি পৰিস্থিতিত আৰক্ষীয়ে গুলী চলাব লগা হ'ল সেই কথা সদৰী কৰা নাই চৰাইদেউ আৰক্ষীয়ে ।

আৰক্ষীৰ বিশেষ সূত্ৰই জানিবলৈ দিয়া অনুসৰি আটকাধীন লোকজনে আলফা স্বাধীনৰ পৰা আত্মসমৰ্পণ কৰা পাচতো লিংকমেন হিচাপে জড়িত আছিল সংগঠনটোৰ লগত । শেহতীয়াকৈ উজনি অসমৰ বিভিন্ন প্ৰান্তত ধন দাবী তথা সংগ্ৰহতো জড়িত আছিল ধৃত যোগেন গগৈ । এক প্ৰকাৰে চৰাইদেউ আৰক্ষীৰ মূৰৰ কামোৰণি আছিল যোগেন গগৈ । 

লগতে পঢ়ক: ULFA(I) Linkman arrested in Sonari:সোণাৰিত আৰক্ষীৰ জালত পৰিল আলফা স্বাধীনৰ লিংকমেন