Student commits suicide in Nagaon: নগাঁও আনন্দৰাম ঢেকিয়াল ফুকন মহাবিদ্যালয়ত ছাত্রীৰ আত্মহত্যা

চামগুৰি, 12 অক্টোবৰ : নগাঁৱৰ ঐতিহ্যমণ্ডিত আনন্দৰাম ঢেকিয়াল ফুকন মহাবিদ্যালয়ৰ ছাত্ৰী নিৱাসত চাঞ্চল্যকৰ ঘটনা ৷ বৃহস্পতিবাৰে এগৰাকী ছাত্রীয়ে বাছি ললে চৰম পন্থা ৷ মহাবিদ্যালয়খনৰ চৌহদতে থকা 1 নং ছাত্রীনিৱাসৰ কোঠাত আত্মহত্যাৰ পথ বাছি ললে মহাবিদ্যালয়খনৰ ছাত্ৰীয়ে ৷ তৃতীয় ষান্মাসিকত অধ্যয়নৰত আছিল আত্মহত্যা কৰা ছাত্ৰীগৰাকী ৷

মহাবিদ্যালয়খনৰ অধ্যক্ষই জানিবলৈ দিয়া অনুসৰি, ছাত্ৰী গৰাকী বিগত কিছুদিন ধৰি শাৰীৰিকভাবে দুৰ্বল আৰু অন্যমনস্ক হৈ থাকে বুলি জানিবলৈ দিছিল ৱাৰ্ডেনে ৷ সেয়ে বৃহস্পতিবাৰে পুৱাই ছাত্ৰী গৰাকীয়ে চিকিৎসকৰ পৰামৰ্শৰ বাবে চিকিৎসালয়লৈ গৈছিল । কিন্তু চিকিৎসালয়ৰ পৰা আহি আত্মহত্যা কৰে ছাত্ৰী গৰাকীয়ে ।

‘‘কিয় আত্মহত্যা কৰিলে কোনেও বৰ্তমানলৈকে গম পোৱা নাই ৷ আমি ছাত্ৰ একতা সভাৰ নিৰ্বাচনৰ বাবে ব্যস্ত থকাৰ সময়তে ছাত্ৰী গৰাকীৰ আত্মহত্যাৰ খবৰ পালো ৷’’ এই মন্তব্য মহাবিদ্যালয়খনৰ অধ্যক্ষৰ ৷ 

লগতে পঢ়ক:Woman electrocuted: নগাঁৱত বিদ্যুৎস্পৃষ্ট হৈ মহিলাৰ মৃত্যু