Sahajananda Ojha:অসম ক্ৰিকেট সন্থাৰ প্ৰাক্তন সম্পাদক সহজানন্দ ওজাক শেষ শ্ৰদ্ধা নগাঁও ক্রীড়া সন্থাৰ

নগাঁও, 10 অক্টোবৰ : অসম ক্ৰিকেট সন্থাৰ প্ৰাক্তন সম্পাদক তথা ভাৰতীয় ক্ৰিকেট দলৰ মেনেজাৰৰ দায়িত্ব লাভ কৰা বিশিষ্ট ক্ৰীড়া সংগঠক, শিক্ষাবিদ সহজানন্দ ওজাৰ মৃত্যুৰ বাতৰিয়ে শোকস্তব্ধ কৰি তুলিছে ক্ৰীড়া জগতৰ লগতে সমগ্ৰ নগাঁওবাসীক । সোমবাৰে নিশা নিজ বাসগৃহতে পৰলোকপ্ৰাপ্তি ঘটে সম্পাদক সহজানন্দ ওজাক ।

দীৰ্ঘদিন ধৰি বাৰ্ধক্যজনিত ৰোগত আক্ৰান্ত হৈ থকা সহজানন্দ ওজাই সোমবাৰে নিশা ৮.১০ মান বজাত শেষ নিশ্বাস ত্যাগ কৰে । নগাঁৱৰ আনন্দৰাম ঢেকিয়াল ফুকন মহাবিদ্যালয়ৰ প্ৰাক্তন অধ্যক্ষ তথা নগাঁও ক্ৰীড়া সন্থাৰ প্ৰাক্তন সভাপতি সহজানন্দ ওজাৰ নশ্বৰ দেহ মঙলবাৰে পুৱাই নগাঁও ক্ৰীড়া সন্থাৰ কাৰ্যালয়লৈ অনাৰ পিচত ক্ৰীড়া সন্থাৰ বিষয়ববীয়াই জ্ঞাপন কৰে শেষ শ্ৰদ্ধা । ইয়াৰ পিচতেই শিক্ষাবিদ সহজানন্দ ওজাৰ মৃতদেহ নগাঁও মহাবিদ্যালয়, আনন্দৰাম ঢেকিয়াল ফুকন মহাবিদ্যালয়লৈ লৈ যোৱা হয় ।

মধ্য অসমৰ ঐতিহ্যমণ্ডিত দুই শিক্ষানুষ্ঠানত শিক্ষক-শিক্ষয়িত্ৰী তথা ছাত্ৰ-ছাত্ৰীয়ে শেষ শ্ৰদ্ধা জ্ঞাপন কৰে তেওঁলৈ । বিশিষ্ট ক্ৰীড়া সংগঠক, শিক্ষাবিদ সহজানন্দ ওজাৰ মৃত্যুত নগাঁও ক্ৰীড়া সন্থাৰ সভাপতি তথা বিধায়ক ৰূপক শৰ্মাৰ লগতে নগাঁৱৰ বহু অনুষ্ঠান, প্ৰতিষ্ঠানে শোক প্ৰকাশ কৰে ।

লগতে পঢ়ক : Sahajananda Ojah passed away: অসম ক্ৰিকেট সন্থাৰ প্ৰাক্তন সম্পাদক সহজানন্দ ওজাৰ পৰলোক প্ৰাপ্তি