Train scorpio clash at Jonai:ৰে’লে মহতিয়ালে স্ক’ৰপিঅ, এজনৰ অৱস্থা সংকটজনক

জোনাই,৩০ মে’ : জোনাই মহকুমাৰ উজনি বিজয়পুৰত মূৰ্কংচেলেকৰ পৰা লিডু অভিমুখী যাত্ৰীবাহী ৰে’লখনে মহতিয়াই নিলে এখন স্ক’ৰপিঅ বাহন । মংগলবাৰে দিনৰ প্ৰায় ৩-৪৫ বজাত AR 09B0714 নম্বৰ স্ক’ৰপিঅ বাহনখনে ৰে’ল লাইন পাৰ কৰোঁতে উজনি বিজয়পুৰত মূৰ্কংচেলেক লিডু অভিমুখী চলন্ত ৰে'লখনে মহতিয়াই লৈ যায় (Running train runs over a scorpio at Jonai) ৷ বাহনখনত চাৰিজন যাত্ৰী আছিল ৷

দুৰ্ঘটনা সংঘটিত হোৱাৰ লগে লগে স্থানীয় ৰাইজে ১০৮ সেৱা মাতি ৰুকচিনস্থিত দ্বিপজনি নাৰ্চিংহোমত চিকিৎসালয়লৈ তেওঁলোকক পঠিওৱাৰ ব্যৱস্থা কৰে । আঘাতপ্ৰাপ্ত লোকেইজন হ'ল পূৱ চিয়াং জিলাৰ চেৰাম গাঁৱৰ কালিং মিটকং(৪০), এন্তনি গামন্ন(৩৯), কেপ্তেইন মদি(৫৮) আৰু ঙমপক গাঁৱৰ অশোক ময়ং(৬১) (Train scorpio clash at Jonai) ৷ ইয়াৰে কেপ্তেইন মদিক সংকটজনক অৱস্থাত ডিব্ৰুগড়ৰ লৈ প্ৰেৰণ কৰা হৈছে ৷ বাকী তিনিজনক পাছিঘাটলৈ প্ৰেৰণ কৰিছে ৷ ৰে’ল লাইনত ৰে’ল ক্ৰচিং নথকাৰ ফলতে এই ঘটনা সংঘটিত হৈছে বুলি ৰাইজে জানিবলৈ দিছে । 

লগতে পঢ়ক : AASU protest in Dibrugarh:চৰকাৰৰ মাতৃভাষা বিৰোধী সিদ্ধান্তৰ বিৰুদ্ধে আছুৰ প্ৰতিবাদ