তেজপুৰত পথ দুৰ্ঘটনাত থিতাতে নিহত এজন

তেজপুৰ, ৩০ ডিচেম্বৰ : তেজপুৰৰ বাটমাৰীত ভয়ংকৰ পথ দুৰ্ঘটনা সংঘটিত হৈছে ৷ বলেৰ’ পিক আপ ভান বাগৰি পৰি থিতাতে মৃত্যু হৈছে এজন লোকৰ । বলেৰ’ ভানখনৰ নম্বৰ As12 AC2396 ।

তীব্ৰ বেগত অহা ভানখন পথৰ দাঁতিত বহু তললৈ বাগৰি পৰাত নুৰ কালাম নামৰ চালকজনৰ থিতাতে মৃত্যু হয় ৷ তথাপিও ততাতৈয়াকৈ তেজপুৰ কনকলতা অসামৰিক চিকিৎসালয়লৈ লৈ যোৱা হয় তেওঁক । তেজপুৰ দিশৰ পৰা ৰাষ্ট্ৰীয় ঘাইপথ 37 (A) ৰে ভোমোৰাগুৰি দিশে গৈ থকা অৱস্থাত তীব্ৰ বেগী বলেৰ’ পিক আপ ভানখন নিয়ন্ত্ৰণ হেৰুৱাই পথৰ পৰা বহু তলত বাগৰি পৰে । শোণিতপুৰ জিলাত যান-বাহন শাখাই বিভিন্ন অভিযান চলাই থকাৰ মাজতে জিলাখনত উদ্বেগজনকভাৱে বৃদ্ধি পাইছে পথ দুর্ঘটনাৰ সংখ্যা ৷

লগতে পঢ়ক : অচিনাক্ত বাহনৰ খুন্দাত নিহত প্ৰাতঃভ্ৰমণলৈ যোৱা ব্যক্তি