Road accident in Tinsukia : ভয়ানক পথ দুৰ্ঘটনাত গুৰুতৰভাৱে আঘাতপ্ৰাপ্ত চাৰিজন

তিনিচুকীয়া জিলাৰ কাকপথাৰত শনিবাৰে নিশা এক ভয়ানক পথ দুৰ্ঘটনা সংঘটিত হয় (Road accident in Tinsukia) । কাকপথাৰ মাইঠং টাৰ্নিঙত এ এছ ২৩ এ চি ৩৬১৭ নম্বৰৰ ট্ৰাক আৰু এ এছ ২৩ জেদ ২০০১ নম্বৰৰ বলেৰ' বাহনৰ মাজত সংঘটিত হয় সংঘৰ্ষৰ ৷ ইয়াৰ ফলত পথ দুৰ্ঘটনাটোত চাৰিজন লোক গুৰুতৰভাৱে আঘাতপ্ৰাপ্ত হয় ৷ ইয়াৰে তিনিজনৰ অৱস্থা সংকটজনক বুলি জানিবলৈ পৰা গৈছে । আঘাতপ্ৰাপ্তকেইজন ক্ৰমে কৰ্দৈগুৰিৰ অৰুণ মৰাণ, শৰৎ মৰাণ, কৃষ্ণ মহন্ত আৰু বিতুপন মৰাণ । পৰৱৰ্তী সময়ত স্থানীয় লোকৰ তৎপৰতাত আঘাতপ্ৰাপ্তসকলক চিকিৎসাৰ কাৰণে ততাতৈয়াকৈ তিনিচুকীয়া অসামৰিক চিকিৎসালয়লৈ লৈ যোৱা হয় যদিও উন্নত চিকিৎসাৰ বাবে তিনিজনক ডিব্ৰুগড়স্থিত অসম চিকিৎসা মহাবিদ্যালয়লৈ প্ৰেৰণ কৰা হয় (Assam medical college) ৷ স্থানীয় ৰাইজে জানিবলৈ দিয়া অনুসৰি অৰুণাচলৰ ইটা কঢ়িয়াই অনা ট্ৰাকখনৰ চকা বিস্ফোৰণ হোৱাৰ ফলত নিয়ন্ত্ৰণ হেৰুৱায় বলেৰ’খনত খুন্দা মাৰে ৷ ইয়াৰ ফলত দুৰ্ঘটনাটো সংঘটিত হ’বলৈ পায় ৷