মাৰ্ঘেৰিটাত পথ দুৰ্ঘটনাত নিহত মহিলা

তিনিচুকীয়া, ৩০ ডিচেম্বৰ: আজি তিনিচুকীয়া জিলাৰ মাৰ্ঘেৰিটা সংঘটিত হয় এক ভয়ংকৰ পথ দুৰ্ঘটনা ৷ এই পথ দুৰ্ঘটনাটোত থিতাতে প্ৰাণ হেৰুৱালে এগৰাকী মহিলাই । মাৰ্ঘেৰিটা আৰক্ষী থানাৰ অন্তৰ্গত ১নং মাকুম পথাৰত AS23 C0255 নম্বৰৰ এখন পিক আপ বাহনে চাইকেল চলাই যোৱা এগৰাকী মহিলাক খুন্দা মৰাৰ ফলত মহিলাগৰাকী থিতাতে নিহত হয় । উক্ত দুৰ্ঘটনাটোত নিহত মহিলাগৰাকী হৈছে মাৰ্ঘেৰিটাৰ জয়ানগৰ নিৱাসী বন্তি চিংফৌ চিৰিং (৩৫) ৷ নিহত বন্তি চিংফৌ মাৰ্ঘেৰিটাৰ যুৱ ব্যৱসায়ী অনুপ চিৰিঙৰ পত্নী ।

আনহাতে, দ্ৰুতবেগী বাহনখনে দুৰ্ঘটনাটো সংঘটিত কৰি নিয়ন্ত্ৰণ হেৰুৱাই পথৰ কাষৰ এটা ঘৰৰ চৌহত থকা গেৰেজৰ লগতে গেৰেজত থকা এখন বাহনতো খুন্দা মাৰে । ফলত বাহনখনৰ যথেষ্ট ক্ষতিসাধন হয় । পৰৱৰ্তী সময়ত ততাতৈয়াকৈ ঘটনাস্থলীত স্থানীয় আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰাৰ লগতে বাহনখনৰ চালকক আটক কৰি আৰম্ভ কৰিছে তদন্ত ।  

লগতে পঢ়ক:পৰেশ বৰুৱাক বাদ দি দুৰ্বল দাবী চনদ লৈ আলফা-চৰকাৰৰ শান্তিচুক্তি