Road Accident at Kaliabor : কলিয়াবৰৰ কেলিডেন চাহ বাগিচাত ভয়ংকৰ পথ দুৰ্ঘটনা

কলিয়াবৰ, 20 ছেপ্টেম্বৰ : কলিয়াবৰৰ কেলিডেন চাহ বাগিচাত সংঘটিত হয় এক ভয়ংকৰ পথ দুৰ্ঘটনা ৷ পূজাৰ আনন্দ-উল্লাসৰ মাজতে বলেৰ' পিক আপ বাহনে মহতিয়ালে চাৰি জনকৈ লোকক ৷ মঙলবাৰে নিশা কেলিডেন চাহ বাগিচাত অনুষ্ঠিত হোৱা মনসা পূজাৰ মূৰ্তি বিসৰ্জন দিবলৈ যোৱা ভক্তক মহতিয়াই নিয়ে শব্দ যন্ত্ৰ পৰিবাহী বাহনে ৷

দুৰ্ঘটনাটোত আহত ৪ জন লোকক ততাতৈয়াকৈ জখলাবন্ধাস্থিত কলিয়াবৰ মহকুমা অসামৰিক চিকিৎসালয়ত ভৰ্ত্তি কৰোৱা হয় যদিও চিকিৎসকে সকলোকে উন্নত চিকিৎসাৰ বাবে তেজপুৰ মেডিকেল কলেজ হস্পিতাললৈ প্ৰেৰণ কৰে ৷ দুৰ্ঘটনাগ্ৰস্ত সংঘটিত কৰা বাহনখনৰ নম্বৰ এ এছ ১২ ই ৭৩৮৪ ৷ আহত সকল ক্ৰমে মহাবোৰ তাঁতী (৩৪), মিনো কাঁহৰ (১০), নিশা ৰাজপুত (১৬), বিপাশা কৰ্মকাৰ (১৭) বুলি জানিব পৰা গৈছে ৷ আহত সকলোৰে ঘৰ কেলিডেন চাহ বাগিচাত বুলি জানিব পৰা গৈছে ৷ 

লগতে পঢ়ক : Massive fire breaks out in Guwahati: মহানগৰী নুনমাটিত ভয়ংকৰ অগ্নিকাণ্ড